وڭتٷستٸك قازاقتان وبلىسىندا 2017 جىلعى 1 قازان ايىنداعى كٶرسەتكٸش بويىنشا وبلىس حالقىنىڭ سانى 2 914 054 ادامعا جەتتٸ, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
بۇل تۋرالى وقو ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە وبلىستىق ستاتيستيكا دەپارتامەنتٸنٸڭ باستىعى ايدار ەبٸلدابەكوۆ مەلٸم ەتتٸ.
بۇل ٶتكەن جىلعى تيٸستٸ كەزەڭمەن سالىستىرعاندا 1,2 پايىزعا ارتقان. نەتيجەسٸندە رەسپۋبليكا بويىنشا ٶڭٸر بالا تۋۋ مەن تابيعي ٶسٸم كٶرسەتكٸشتەرٸ بويىنشا 1-ورىندا.
ونىڭ ايتۋىنشا, وبلىستا 2017 جىلعى قاڭتار-قىركٷيەك ايلارىن ەسەپكە العاندا حالىقتىڭ تابيعي ٶسٸمٸ 47 917 ادامدى قۇراعان. بۇل ٶتكەن جىلعا قاراعاندا 10,3 پايىزعا كٶبەيٸپ وتىر.
«بيىلعى جىلدىڭ توعىز ايىندا وبلىس كٶلەمٸندە بالا تۋۋ كٶرسەتكٸشٸ 59 061-دٸ قۇراپ رەسپۋبليكا كٶلەمٸندە العاشقى ورىندى ەنشٸلەدٸ. ال قۇرىلعان وتباسىلارعا كەلسەك, بيىل قىركٷيەك ايىنا دەيٸن 15 مىڭنان استام جۇپ نەكەگە تۇرعان. بۇل ٶتكەن جىلمەن سالىستىرعاندا 9,4 پايىزعا كەمٸپ وتىر», - دەدٸ ايدار احمەتبەكۇلى.
بۇدان بٶلەك, 9 ايدىڭ قورىتىندىسى بويىنشا كٶشٸ-قونمەن وبلىسقا كەلگەن حالىقتىڭ سانى 19 800 ادامدى قۇراعان. سونىمەن قاتار, بىلتىرعى جىلدىڭ وسى كەزەڭٸمەن سالىستىرعاندا ٶڭٸرگە قازاقستاننىڭ باسقا وبلىستارىنان كەلگەندەردٸڭ سانى 2 ەسەگە كٶبەيسە, تمد ەلدەرٸنەن كەلگەندەردٸڭ سانى 21,9 پايىزعا ٶسٸپ وتىر. ال وبلىس ٸشٸندەگٸ كٶشٸ-قون 78 514 ادامدى قۇرادى. سونداي-اق, وبلىستان قونىس اۋدارعانداردىڭ سانى 32 مىڭنان اسقان.
