Ońtústik Qazaqtan oblysynda 2017 jylǵy 1 qazan aiyndaǵy kórsetkish boiynsha oblys halqynyń sany 2 914 054 adamǵa jetti, dep habarlaidy "Ult aqparat" oblys ákiminiń baspasóz qyzmetine silteme jasap.
Bul týraly OQO óńirlik kommýnikatsiialar qyzmetinde ótken brifingte oblystyq statistika departamentiniń bastyǵy Aidar Ábildabekov málim etti.
Bul ótken jylǵy tiisti kezeńmen salystyrǵanda 1,2 paiyzǵa artqan. Nátijesinde respýblika boiynsha óńir bala týý men tabiǵi ósim kórsetkishteri boiynsha 1-orynda.
Onyń aitýynsha, oblysta 2017 jylǵy qańtar-qyrkúiek ailaryn esepke alǵanda halyqtyń tabiǵi ósimi 47 917 adamdy quraǵan. Bul ótken jylǵa qaraǵanda 10,3 paiyzǵa kóbeiip otyr.
«Biylǵy jyldyń toǵyz aiynda oblys kóleminde bala týý kórsetkishi 59 061-di qurap respýblika kóleminde alǵashqy oryndy enshiledi. Al qurylǵan otbasylarǵa kelsek, biyl qyrkúiek aiyna deiin 15 myńnan astam jup nekege turǵan. Bul ótken jylmen salystyrǵanda 9,4 paiyzǵa kemip otyr», - dedi Aidar Ahmetbekuly.
Budan bólek, 9 aidyń qorytyndysy boiynsha kóshi-qonmen oblysqa kelgen halyqtyń sany 19 800 adamdy quraǵan. Sonymen qatar, byltyrǵy jyldyń osy kezeńimen salystyrǵanda óńirge Qazaqstannyń basqa oblystarynan kelgenderdiń sany 2 esege kóbeise, TMD elderinen kelgenderdiń sany 21,9 paiyzǵa ósip otyr. Al oblys ishindegi kóshi-qon 78 514 adamdy qurady. Sondai-aq, oblystan qonys aýdarǵandardyń sany 32 myńnan asqan.
