قاراعاندى وبلىسىنىڭ دولينكا كەنتٸندە 10 جاستاعى بالا جوعارى كەرنەۋلٸ توك سوعىپ, اۋىر جاعدايدا اۋرۋحاناعا تٷستٸ. قازٸر ول جانساقتاۋ بٶلٸمٸندە ەم قابىلداپ جاتىر, دەپ حابارلايدى ult.kz.
وقيعا بالالار ويىن الاڭىنان بٸرنەشە مەتر جەردە ورنالاسقان ەلەكتر جەتكٸزۋ جەلٸسٸنٸڭ تٸرەگٸندە بولعان. تۋىستارىنىڭ ايتۋىنشا, بالا دوستارىمەن بٸرگە ويناپ جٷرٸپ, ەلەكتر باعانىنا ٶرمەلەگەن. كۋەگەرلەردٸڭ سٶزٸنشە, ول سىمدارعا قول تيگٸزبەگەنٸمەن, جوعارى كەرنەۋلٸ جەلٸنٸڭ ەلەكتر دوعاسىنىڭ ەسەرٸنە ۇشىراعان.
بالالار قاتتى دىبىستى ەستٸپ, بالانىڭ ەس-تٷسسٸز جەرگە قۇلاعانىن كٶرگەن. العاشقىلاردىڭ بٸرٸ بولىپ كٶرشٸسٸ كٶمەككە جٷگٸرٸپ كەلٸپ, جەدەل جەردەم جەتكەنشە قولدان تىنىس الدىرۋ شارالارىن جاساعان.
«كٶمەك سەل كەشٸككەندە, قايعىلى جاعداي بولۋى مٷمكٸن ەدٸ», – دەيدٸ بالانىڭ ەپكەسٸ اناستاسييا رابيزا.
توك سوعۋى مەن بيٸكتٸكتەن قۇلاۋ سالدارىنان بالا اۋىر جاراقات العان. تۋىستارىنىڭ مەلٸمەتٸنشە, جٷرەگٸ, ٶكپەسٸ, باسى, ومىرتقاسى جەنە ٸشكٸ اعزالارى زاقىمدانعان. قولدارى مەن يىعىندا كٷيٸك ٸزدەرٸ بار.
وبلىستىق كٶپسالالى بالالار اۋرۋحاناسىنىڭ بالالار حيرۋرگيياسى ورتالىعىنىڭ جەتەكشٸسٸ بەيبٸت بەردٸبەكوۆتٸڭ ايتۋىنشا, ناۋقاستىڭ جاعدايى اۋىر بولعانىمەن تۇراقتى.
«قازٸرگٸ ۋاقىتتا بالا قارقىندى تەراپييا بٶلٸمٸندە جاتىر. ەمدەۋ تولىق كٶلەمدە جٷرگٸزٸلۋدە», – دەدٸ دەرٸگەر.
وقيعادان كەيٸن وتباسى مٷشەلەرٸ ەلەكتر تٸرەگٸنە اپاراتىن سوقپاق جولدىڭ بار ەكەنٸن بايقاعان. ولاردىڭ ايتۋىنشا, قاۋٸپتٸ نىساننىڭ ماڭىندا قورشاۋ دا, ەسكەرتۋ بەلگٸلەرٸ دە جوق.
تۋىستارى بالالار جيٸ جٷرەتٸن اۋماقتا ورنالاسقان ەلەكتر جەلٸسٸ تٸرەگٸنٸڭ قاۋٸپسٸزدٸگٸنە قاتىستى شارالار قابىلداۋدى تالاپ ەتٸپ وتىر.
قاراعاندى وبلىسى پوليتسييا دەپارتامەنتٸنٸڭ مەلٸمەتٸنشە, وقيعا بويىنشا ماتەريالدار قاراعاندى وبلىسى بويىنشا اتومدىق جەنە ەنەرگەتيكالىق قاداعالاۋ مەن باقىلاۋ كوميتەتٸنٸڭ اۋماقتىق دەپارتامەنتٸنە جولدانعان. تەكسەرۋ نەتيجەسٸنە سەيكەس قۇقىقتىق باعا بەرٸلمەك.
قازٸرگٸ ۋاقىتتا وقيعانىڭ بارلىق مەن-جايى انىقتالىپ جاتىر.
