قر پارلامەنتٸ مەجٸلٸسٸنٸڭ تٶراعاسى نۇرلان نىعماتۋلين سەرٸك سەپيەۆتٸ دەپۋتات بولىپ تاعايىندالۋىمەن قۇتتىقتادى, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
نۇرلان نىعماتۋلين مەجٸلٸستٸڭ جالپى وتىرىسى بارىسىندا بوكستان وليمپيادا چەمپيونى سەرٸك سەپيەۆتٸ قۇتتىقتادى.
"كەشە قر ورتالىق سايلاۋ كوميسسيياسى سەپيەۆ سەرٸك جۇمانعاليۇلىن قازاقستان رەسپۋبليكاسى پارلامەنت مەجٸلٸسٸنٸڭ دەپۋتاتى رەتٸندە تٸركەدٸ. وسىعان بايلانىستى جاڭادان تاعايىندالعان ەرٸپتەسٸمە دەپۋتاتتىق كورپۋستىڭ اتىنان جاۋاپتى ٸستە سەتتٸلٸك تٸلەيمٸز. وليمپيادا چەمپيونى بٸرٸنشٸ جۇمىس كٷنٸن سپورت جايلى زاڭ جوباسىن تالقىلاعان كەزدە باستايدى. سەرٸك, مەجٸلٸس رينگ ەمەس, ەرينە, بٸراق مۇندا دا جەكپە-جەكتەر قىزۋ ٶتەدٸ. سوندىقتان ساعان مۇندا بٸزبەن بٸرگە جەڭٸستەرگە جەتۋٸڭدٸ تٸلەيمٸز", - دەدٸ مەجٸلٸس سپيكەرٸ.
ەسكە سالا كەتەيٸك, كەشە, 28 اقپاندا سەرٸك سەپيەۆتٸڭ مەجٸلٸس دەپۋتاتى بولعانى حابارلانعان ەدٸ. وسك تٶراعاسى بەرٸك يماشەۆ سەرٸك سەپيەۆكە قر پارلامەنت مەجٸلٸسٸ دەپۋتاتىنىڭ كۋەلٸگٸ مەن تٶس بەلگٸسٸن تابىس ەتكەن بولاتىن.
