QR Parlamenti Májilisiniń tóraǵasy Nurlan Nyǵmatýlin Serik Sápievti depýtat bolyp taǵaiyndalýymen quttyqtady, - dep habarlaidy "Ult aqparat" kaz.tengrinews.kz portalyna silteme jasap.
Nurlan Nyǵmatýlin Májilistiń jalpy otyrysy barysynda bokstan Olimpiada chempiony Serik Sápievti quttyqtady.
"Keshe QR Ortalyq sailaý komissiiasy Sápiev Serik Jumanǵaliulyn Qazaqstan Respýblikasy Parlament Májilisiniń depýtaty retinde tirkedi. Osyǵan bailanysty jańadan taǵaiyndalǵan áriptesime depýtattyq korpýstyń atynan jaýapty iste sáttilik tileimiz. Olimpiada chempiony birinshi jumys kúnin sport jaily zań jobasyn talqylaǵan kezde bastaidy. Serik, Májilis ring emes, árine, biraq munda da jekpe-jekter qyzý ótedi. Sondyqtan saǵan munda bizben birge jeńisterge jetýińdi tileimiz", - dedi Májilis spikeri.
Eske sala keteiik, keshe, 28 aqpanda Serik Sápievtiń Májilis depýtaty bolǵany habarlanǵan edi. OSK tóraǵasy Berik Imashev Serik Sápievke QR Parlament Májilisi depýtatynyń kýáligi men tós belgisin tabys etken bolatyn.
