مەجٸلٸس سپيكەرٸ نۇرلان نىعماتۋلين ۇقك شەكارا قىزمەتٸ مەن سىرتقى ٸستەر مينيسترلٸگٸنە جٷگٸنٸپ, قىرعىزستانمەن شەكاراداعى ۇزىن-سونار كەزەك مەسەلەسٸن شەشۋدٸ تالاپ ەتتٸ, دەپ حابارلايدى Sputnik قازاقستان تٸلشٸسٸ.
مەجٸلٸستٸڭ جالپى وتىرىسىندا دەپۋتات زەۋرەش امانجولوۆا ۇلتتىق قاۋٸپسٸزدٸك كوميتەتٸنٸڭ شەكارا قىزمەتٸنە شەكاراداعى كەزەككە قاتىستى ساۋال جولدادى.
"قولداعى بار اقپاراتقا سٷيەنسەك, قازاقستان-قىرعىزستان شەكاراسىنىڭ بويىندا 8 شەكارالىق ٶتكٸزۋ پۋنكتٸ جۇمىس ٸستەيدٸ. سونىمەن قاتار قورداي مەن قاراسۋ باقىلاۋ-ٶتكٸزۋ پۋنكتەرٸندە جىل سايىن جولاۋشىلار مەن كٶلٸكتەردٸڭ ٶسۋٸ بايقالادى. ەسٸرەسە, كٶلٸك اعىنى كۋرورتتىق ماۋسىم كەزٸندە ٶسەدٸ. مەسەلەن, جولاۋشىلار مەن اۆتوكٶلٸكتەردٸڭ جاز ايلارىندا ٶتۋ قارقىنى ەكٸ ەسە ۇلعايادى. سونىڭ سالدارىنان ەل ازاماتتارى ۇزاق ۋاقىت كەزەكتە تۇرۋعا مەجبٷر. وسىعان بايلانىستى مەنٸڭ مىناداي سۇراعىم بار: ەكٸ ەلدٸڭ شەكاراسى ارقىلى جولاۋشىلار مەن ماشينالاردى ٶتكٸزۋ جۇمىسىن وڭتايلاندىرۋ بويىنشا سٸزدەر جاقتان قانداي ٸس-شارالار قولعا الىنىپ جاتىر?", — دەپ سۇرادى حالىق قالاۋلىسى.
ۇقك شەكارا قىزمەتٸنٸڭ ديرەكتورى دارحان ديلمانوۆ بٷگٸندە ەكٸ ەل شەكاراسىندا 8 شەكارا بەكەتٸ جۇمىس ٸستەيتٸنٸن راستادى. ونىڭ 7-ۋٸ – اۆتوكٶلٸك جەنە بٸرەۋٸ – تەمٸرجول.
"نەگٸزگٸ ٶتكٸزۋ پۋنكتەرٸ – قورداي, اۋحاتتى جەنە سارىتٶبە. جازعى دەمالىس كەزٸندە قورداي بٸز جاقتان دا, قىرعىزستان جاعىنان دا ادامعا لىق تولى. وسىعان بايلانىستى بٸز قۇجات تەكسەرۋ جەلٸلەرٸندە ۇلعايتۋ شارالارىن قولعا الىپ جاتىرمىز. سوڭعى ەسكەرتۋلەردەن كەيٸن 36 داناعا دەيٸن ۇلعايتتىق: 18-ٸ – شىعا بەرٸستە, قالعان 18-ٸ كٸرە بەرٸستە", —دەدٸ ديلمانوۆ.
مەجٸلٸس سپيكەرٸ بۇل جەتكٸلٸكتٸ مە دەپ سۇرادى.
"بيىل دا جاعداي قايتالاندى – ۇزىن-سونار كەزەك. سٸزدەر ۇلعايتتىق دەپ ايتقانمەن, باق-تا وقيعا ورنىنان تٷسٸرٸلگەن رەپورتاجدار شىقتى. ۇزىن-سونار كەزەك سول كٷيٸ قالعان", — دەدٸ نىعماتۋلين.
ديلمانوۆ رەكونسترۋكتسييادان كەيٸن قۇجات تەكسەرۋگە ارنالعان ورىندار 60-قا دەيٸن ۇلعاياتىنىن مەلٸمدەدٸ.
"دارحان ايتقاليۇلى, وسى پۋنكتەردٸ كەڭەيتۋ كەرەك, XXI عاسىرعا ساي جاعداي جاساۋ كەرەك. كەلٸسەسٸز بە? وسىنداي جوسپار بار ما سٸزدەردە?", — دەپ سۇرادى جاۋاپقا قاناعاتتانباعان سپيكەر.
"شەكارا قىزمەتٸندە مۇنداي جوسپار جوق, ٶيتكەنٸ ٶتكٸزۋ پۋنكتەرٸن اشۋعا بٸز ەمەس, ينۆەستيتسييالار جەنە دامۋ مينيسترلٸگٸ جاۋاپتى. بٸراق بٸز پۋنكتەردٸڭ ٶتكٸزۋ مٷمكٸندٸگٸن ۇلعايتۋعا دايىنبىز", — دەدٸ شەكارا قىزمەتٸنٸڭ ديرەكتورى.
وسىدان كەيٸن نىعماتۋلين سىرتقى ٸستەر مينيسترٸنٸڭ بٸرٸنشٸ ورىنباسارى مۇحتار تٸلەۋبەردٸگە جٷگٸنٸپ, اتالعان مەسەلەگە قاتىستى كەشەندٸ شەشٸم قابىلداۋ قاجەتتٸگٸن ايتتى.
"مۇحتار بەسكەنۇلى, سىرتقى ٸستەر مينيسترلٸگٸ بۇل مەسەلەدە مٷددەلٸ مەملەكەتتٸك ورگانداردىڭ جۇمىسىن ٷيلەستٸرۋٸ كەرەك شىعار. شەكارا بويىنشا تٷسٸنٸكتٸ, ولاردىڭ ٶز فۋنكتسيياسى بار. بٸراق جىل سايىن حالىقتان دا, مەملەكەت باسشىسىنان دا ەسكەرتۋ ەستٸپ جاتىرمىز. ادامدار شاعىمدانادى, ەلشٸلٸك, سىرتقى ساياسي ۆەدومستۆو ارقىلى حات جازادى. وسى مەسەلەگە قاتىستى بٸر كەشەندٸ شەشٸم قابىلداپ, سوڭىنا دەيٸن جەتكٸزۋٸمٸز كەرەك. بٸرلەسٸپ جۇمىس ٸستەۋ قاجەت",- دەدٸ سپيكەر.
