پارلامەنت سەناتىنىڭ دەپۋتاتى نۇرتٶرە جٷسٸپ دەمالىس ورىندارىندا شاشىلعان قوقىس مەسەلەسٸن كٶتەرٸپ, تازالىق تەرتٸبٸن جولعا قويۋۋدى سۇراپ, ٷكٸمەت باسشىسىنا دەپۋتاتتىق ساۋال جولدادى, دەپ حابارلايدى "ۇلت اقپارات".
«بۋرابايدىڭ بٸر ٶزٸنٸڭ شۆەيتسارييادان نەسٸ كەم? وسى بۋرابايدىڭ جالپىۇلتتىق كۋرورت اتانعانىنا بيىل 100 جىل تولادى. 100 جىلدىق تاريحىندا تالاي قۇرىلىمدىق ٶزگەرٸستەر بولدى. 2000 جىلى قازاقستان ٷكٸمەتٸ ٶز قاۋلىسىمەن «بۋراباي» مەملەكەتتٸك-ۇلتتىق پاركٸ دەگەن مەكەمە قۇردى. قازٸر «بۋراباي» قازاقستان پرەزيدەنتٸ ٸس باسقارماسىنىڭ قاراۋىنا قارايدى», - دەدٸ نۇرتٶرە جٷسٸپ پارلامەنت سەناتىنىڭ وتىرىسىندا.
دەپۋتاتتىڭ ايتۋىنشا, وسى بۋرابايدا قاپتاعان قوقىس, شاشىلعان زاتتار, پلاستيكالىق بٶتەلكە, ۋماجدالعان پاكەت, كٶلدٸڭ لاس سۋى – ونىڭ كٶركٸن كەتٸرٸپ تۇر.
«قانداي كەرەمەت دەمالىس ايماعى! بٸراق قادٸرٸن نەگە بٸلمەيمٸز? مەملەكەتتٸك-ۇلتتىق تابيعي پاركتٸڭ تازالىققا جاۋاپتى تيٸستٸ بٶلٸمدەرٸ مەن قۇرىلىمدارى دا بار. بٸراق قوقىستان اياق الىپ جٷرە المايتىن جاعدايعا جەتتٸك. بۋرابايدا دەمالۋشىلار تاستاعان قوقىستار تۋرالى ەلەۋمەتتٸك جەلٸدە تارالعان بەينەروليك سونىڭ دەلەلٸ. بۇل قالاي? جالپى, تەك بۋراباي ەمەس, قازاقستاننىڭ كەز كەلگەن ٶڭٸرٸنە بارساق, نە كٶپ – قوقىس كٶپ. تاستايتىن دا ٶزٸمٸز, لاستايتىن دا ٶزٸمٸز. «تۋعان تابيعاتىمىزدى ايالاپ, كٷتە المايتىنداي باسىمىزعا نە كٷن تۋدى? سونشاما لاستايتىنداي, سونشاما قورلايتىنداي تۋعان جەرٸمٸزدٸڭ نە جازىعى بار?» دەگەن سۇراق تۋادى. جەر بٸزدٸكٸ! ەل بٸزدٸكٸ! قازاقستانعا شەتەلدەن ورالعان قانداس اقساقالىمىزدىڭ بٸرٸ ۇشاقتان تٷسە سالىپ, قارا جەردٸ سٷيگەن سەتٸ ەستەرٸڭٸزدە بار ما? تۋعان جەرگە دەگەن وسىنداي ٸڭكەرلٸك قازٸر نەگە جوق بٸزدە?», - دەيدٸ دەپۋتات.
سەناتور قازاق حالقى وسى ەلدەگٸ, جەردەگٸ بەرٸنە دە جاۋاپتى ۇلت ەكەنٸن اتاپ ٶتتٸ.
«تابيعاتتى تازا ۇستاۋ ٷشٸن جانىمىزدى تازا ۇستايىق. تازالىق مەدەنيەتٸن قالىپتاستىرايىق. دالامىز دا, قالامىز دا تازا بولسىن. تۋعان جەرٸمٸزدٸ انامىزداي ارداقتاۋ – ٶزٸمٸزگە بايلانىستى ەمەس پە!? ۇلتتىق نامىسىمىز قايدا? ەل بولۋعا ۇلتاراقتاي جەر تاپپاي جٷرگەن قانشاما جۇرت بار ەلەمدە. بٸز باردىڭ قادٸرٸن نەگە بٸلمەيمٸز?» - دەدٸ سەناتور.
وسى مەسەلەنٸ تٸزە كەلە نۇرتٶرە جٷسٸپ بۇل رەتتە كانادانىڭ تەرتٸبٸن باسشىلىققا الۋ كەرەكتٸگٸن جەتكٸزدٸ. ول ەلدە ەكولوگييالىق تالاپتار قاتاڭ ساقتالادى. كانادادا «جاسىل جوسپار» دەگەن ۇلتتىق باعدارلاما قابىلدانعان.
«تازالىق مەسەلەسٸن ۇلتتىق قۇندىلىقتار قاتارىنا شىعارۋ كەرەك. مەملەكەتتٸك تۇرعىدا شۇعىل تٷردە تازالىقتى ساقتاۋ, باقىلاۋ, رەتتەۋ تەتٸكتەرٸن جەتٸلدٸرۋ قاجەتتٸگٸ بٸلٸنٸپ وتىر. سٸزدەن وسى مەسەلەنٸ قاراپ, ٷكٸمەتتٸڭ تيٸستٸ قۇرىلىمدارى ارقىلى ٸس-شارالار كەشەنٸن جەدەل قابىلداۋدى سۇرايمىز», - دەدٸ نۇرتٶرە جٷسٸپ.
