نۇرسۇلتان نازارباەۆ تٷرٸكمەنستان پرەزيدەنتٸ گۋربانگۋلى بەردٸمۇحامەدوۆپەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى تٷرٸكمەنستان پرەزيدەنتٸمەن جٷزدەسٸپ, بٷگٸنگٸ وتىرىستىڭ ماڭىزدىلىعىن اتاپ ٶتتٸ.
نۇرسۇلتان نازارباەۆ جوعارى دەڭگەيدەگٸ تۇراقتى كەزدەسۋلەر ەكٸ تاراپتىڭ دا ستراتەگييالىق سەرٸكتەستٸكتٸ ودان ەرٸ نىعايتۋعا مٷددەلٸ ەكەندٸگٸنٸڭ ايقىن كٶرٸنٸسٸ سانالاتىنىن ايتتى.
– مەملەكەتتەرٸمٸز ارقىلى ٶتەتٸن ەمۋدارييا مەن سىردارييا ٶزەندەرٸ باسسەيندەرٸنٸڭ مەسەلەلەرٸن تالقىلايمىز. بۇل ەكٸ ٶزەن بٸزدٸڭ بالالارىمىز بەن نەمەرەلەرٸمٸزگە ٶمٸر سىيلايدى. وسى پروبلەمالاردى بٸرلەسە تالقىلاۋدىڭ ماڭىزى زور, – دەدٸ نۇرسۇلتان نازارباەۆ.
مەملەكەت باسشىسى سامميتتٸڭ تٷرٸكمەنستاندا دەر كەزٸندە ٶتكٸزٸلٸپ وتىرعانىنا توقتالىپ, حالىقارالىق ارالدى قۇتقارۋ قورىنىڭ بۇعان دەيٸنگٸ سامميتٸ 2009 جىلى ٶتكەنٸن اتاپ ٶتتٸ.
– مەن باۋىرلاس تٷرٸكمەنستاننىڭ دامۋ بارىسىن جٸتٸ قاداعالاپ وتىرامىن. تٷرٸكمەن حالقىنا بار جاقسىلىقتى تٸلەيمٸن, – دەپ تٷيٸندەدٸ قازاقستان پرەزيدەنتٸ.
گۋربانگۋلى بەردٸمۇحامەدوۆ نۇرسۇلتان نازارباەۆقا ٸلتيپات بٸلدٸرٸپ, حالىقارالىق ارالدى قۇتقارۋ قورىنىڭ قۇرىلتايشى مەملەكەتتەرٸ باسشىلارىنىڭ وتىرىسىنا شاقىرۋىن قابىل العانى ٷشٸن العىس ايتتى.
– قۇرمەتتٸ نۇرسۇلتان ەبٸشۇلى, باۋىرلاس ەلدەرٸمٸزدٸ بٸرٸكتٸرەتٸن كاسپيي تەڭٸزٸنٸڭ جاعاسىنا – تٷرٸكمەنستانعا قوش كەلدٸڭٸز! – دەدٸ تٷرٸكمەنستان پرەزيدەنتٸ.
تٷرٸكمەنستان باسشىسى قازاقستان پرەزيدەنتٸن بەسٸنشٸ كاسپيي سامميتٸنٸڭ تابىستى ٶتۋٸمەن جەنە تاريحي قۇجات – كاسپيي تەڭٸزٸنە قاتىستى كونۆەنتسيياعا قول قويىلۋىمەن قۇتتىقتادى.
ەكٸ ەل كٶشباسشىلارى جول كارتاسىن ٸسكە اسىرۋ, كٶلٸك-ترانزيت سالاسىنداعى ىنتىماقتاستىقتى دامىتۋ, سونداي-اق ٶڭٸرلٸك قاۋٸپسٸزدٸك مەسەلەلەرٸن قاراستىردى.
سوڭىندا گۋربانگۋلى بەردٸمۇحامەدوۆ نۇرسۇلتان نازارباەۆتى جەنە بارشا قازاقستان حالقىن قۇربان ايت مەرەكەسٸمەن قۇتتىقتادى.
