قازاقستان پرەزيدەنتٸ نۇرسۇلتان نازارباەۆ ۇجىمدىق قاۋٸپسٸزدٸك شارت ۇيىمىنا قازاقستاننىڭ تٶراعالىعى كەزٸندە اتقارىلعان جۇمىستارعا جان-جاقتى توقتالدى, حابارلايدى قازاقپارات تٸلشٸسٸ.
«قازاقستان ۇقشۇ-نى بەدەلدٸ ەرٸ تيٸمدٸ قۇرىلىم رەتٸندە قاراستىرادى. ۇيىمعا مٷشە مەملەكەتتەردٸڭ بەلسەندٸ جان-جاقتى قولداۋىمەن اعىمداعى جىلى قازاقستان ٶزٸنٸڭ تٶراعالىعى كەزٸندەگٸ باسىمدىقتارىن تابىستى جٷزەگە اسىردى. قىسقاشا قورىتىندىسىن شىعارا كەتسەم. بٸرٸنشٸدەن, بٸز ەسكەري سالادا ۇقشۇ-نىڭ بٸرٸككەن شتابىن رەفورمالاۋدى جوسپارلى تٷردە اياقتادىق. بٸزدٸڭ قاۋٸپسٸزدٸگٸمٸزگە ەلەۋەتتٸ قاتەرلەردٸ انىقتاۋ بويىنشا مٷمكٸنشٸلٸكتٸ كەڭەيتۋگە ارنالعان ۇقشۇ-نىڭ تولىققاندى داعدارىستىق ەرەكەت ەتۋ قىزمەتٸن دايىنداۋ اياقتالىپ كەلەدٸ. قىرعىزستان اۋماعىندا «جاۋىنگەر باۋىرلاستار-2018» وقۋ-جاتتىعۋى شۇعىل ەرەكەت ەتۋ ۇجىمدىق كٷشتەرٸنٸڭ بٶلٸمشەلەرٸن جەنە ۇقشۇ بٸتٸمگەرشٸلٸك باتولونىن تارتۋ ارقىلى ٶتكٸزٸلدٸ», - دەپ اتاپ ٶتتٸ مەملەكەت باسشىسى ۇقشۇ ۇجىمدىق قاۋٸپسٸزدٸك كەڭەسٸ سەسسيياسىنىڭ كەڭەيتٸلگەن وتىرىسىندا.
ەكٸنشٸدەن, قر پرەزيدەنتٸنٸڭ ايتۋىنشا, الماتىدا ٶتكەن ەسكەري-تەحنيكالىق ىنتىماقتاستىق جٶنٸندەگٸ ۇقشۇ مەملەكاتارالىق كوميسسيياسىنىڭ وتىرىسىندا قارۋ-جاراقتار مەن ەسكەري تەحنيكالاردى ستاندارتتاۋ جٶنٸندەگٸ ٷيلەستٸرۋ كەڭەسٸ قۇرىلدى. اتالعان كەڭەستٸڭ تٶراعاسى قىزمەتٸنە رەسەي ٷكٸمەتٸ تٶراعاسىنىڭ ورىنباسارى يۋريي بوريسوۆ تاعايىندالدى.
«وسىعان بايلانىستى بٸز ەلدەرٸمٸزدٸڭ قورعانىس كەسٸپورىندارىنىڭ ٶندٸرٸستٸك كووپەراتسيياسى جاندانا تٷسەدٸ دەپ ٷمٸتتەنەمٸز», - دەدٸ نۇرسۇلتان نازارباەۆ.
ٷشٸنشٸدەن, ەلباسى بۇۇ باس اسسامبلەياسىنىڭ 73 سەسسيياسى اياسىندا قازاقستاننىڭ تەرروريزمنەن ازات بەيبٸتشٸلٸككە قول جەتكٸزۋ جٶنٸندەگٸ ەمبەباپ كودەكس قابىلداۋ تۋرالى باستاماسى جٷزەگە اسىرىلعانىن ايتتى. بٷگٸندە اتالعان كودەكسكە ەلەمنٸڭ 70-تەن استام ەلٸ قوسىلىپ وتىر.
«وسى مٷمكٸنشٸلٸكتٸ پايدالانا وتىرىپ بٸزدٸڭ باستامامىزعا قولداۋ بٸلدٸرگەن ۇقشۇ مٷشەلەرٸنە ريزاشىلىعىمدى بٸلدٸرگٸم كەلەدٸ», - دەپ اتاپ ٶتتٸ نۇرسۇلتان نازارباەۆ.
تٶرتٸنشٸدەن, قر پرەزيدەنتٸ زاماناۋي كيبەرقاتەرگە قارسى ٸس-قيمىل سالاسىنداعى بٸرلەسكەن جۇمىستىڭ ٶز جالعاسىن تاۋىپ وتىرعانىن ايتتى.
«اعىمداعى جىلى استانادا كومپيۋتەرلٸك ينتسيدەنتتەرگە شۇعىل ەرەكەت ەتۋ تيٸمدٸلٸگٸن, ٷيلەسٸمدٸلٸگٸن ارتتىرۋ ٷشٸن اقپاراتتىق ٶزارا ٸس-قيمىل رەگلامەنتٸ قابىلداندى», - دەدٸ ەلباسى.
بەسٸنشٸدەن, مەملەكەت باسشىسى ەسٸرتكٸنٸڭ زاڭسىز اينالىمىمەن كٷرەس مەسەلەسٸ دە ۇقشۇ-نىڭ تىڭعىلىقتى نازارىندا بولعانىن اتاپ ٶتتٸ. ٶتكەن كەزەڭ ٸشٸندە «ارنا» اتتى ەكٸ وپەراتسيياسىنىڭ جٷرگٸزٸلگەنٸن ەسكە سالدى.
«بۇعان قوسا, ونىڭ اياسىندا قازاقستاننىڭ وڭتٷستٸگٸندە «قىزىل بارحان» ارناسى» حالىقارالىق ەسٸرتكٸگە قارسى وپەراتسييا جٷرگٸزٸلدٸ», - دەدٸ نۇرسۇلتان نازارباەۆ.
بۇعان دەيٸن ەلوردادا ۇجىمدىق قاۋٸپسٸزدٸك شارت ۇيىمى ۇجىمدىق قاۋٸپسٸزدٸك كەڭەسٸنٸڭ سەسسيياسى باستالعانىن حابارلاعان ەدٸك.
