پارلامەنت مەجٸلٸسٸنٸڭ تٶراعاسى نۇرلان نىعماتۋلين پالاتانىڭ 2020 جىلعى جۇمىسىن قورىتىندىلادى, دەپ حابارلايدى قازاقپارات تٸلشٸسٸ.
ونىڭ اتاپ ٶتۋٸنشە, دەپۋتاتتىق كورپۋستىڭ جۇمىسى تولىقتاي تۇڭعىش پرەزيدەنت- ەلباسى نۇرسۇلتان ەبٸشۇلى نازارباەۆتىڭ ستراتەگييالىق تاپسىرمالارىن جەنە مەملەكەت باسشىسى قاسىم-جومارت كەمەلۇلى توقاەۆتىڭ باستامالارىن, سونداي-اق حالىققا جولداۋىن ساپالى زاڭدارمەن قامتاماسىز ەتۋگە ارنالدى.
«ونىڭ ٸشٸندە, ەلەۋمەتتٸك قورعاۋ, دەنساۋلىق ساقتاۋ, بٸلٸم, شاعىن جەنە ورتا بيزنەستٸ قولداۋ, ەكولوگييالىق جاعدايدى جاقسارتۋ نەگٸزگٸ باعىتتاردىڭ بٸرٸ بولدى. قابىلدانعان بارلىق زاڭدار حالقىمىزدى ەلەۋمەتتٸك قولداۋعا, ەلٸمٸزدٸ ودان ەرٸ دامىتۋعا ىقپال ەتەتٸنٸ سٶزسٸز», - دەدٸ مەجٸلٸس تٶراعاسى.
تۇتاستاي العاندا, وسى شاقىرىلىم بارىسىندا پارلامەنت پالاتالارىنىڭ 23 بٸرلەسكەن وتىرىسى, مەجٸلٸستٸڭ 1208 مەسەلە قارالعان 186 جالپى وتىرىسى ٶتكەن.
«وسى ۋاقىت ٸشٸندە پالاتانىڭ قاراۋىندا 487 زاڭ جوباسى بولىپ, ونىڭ 432-سٸ ماقۇلدانىپ, سەناتقا جولداندى. ال, بٷگٸنگٸ تاڭدا 391 زاڭ جوباسىنا مەملەكەت باسشىسى قول قويدى», - دەدٸ ن. نىعماتۋلين.
ونىڭ سٶزٸنە قاراعاندا, مەجٸلٸس دەپۋتاتتارى وسى شاقىرىلىمدا (VI شاقىرىلىمدا دەپۋتاتتار) 60 زاڭ جوباسىنا ٶزدەرٸ باستاماشى بولدى.
سونىمەن قاتار, «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى», «ەكولوگييالىق كودەكس», «ەكٸمشٸلٸك رەسٸمدٸك-پروتسەستٸك كودەكس» جەنە سالىق جەنە بيۋدجەتكە تٶلەنەتٸن باسقا دا مٸندەتتٸ تٶلەمدەر تۋرالى (سالىق كودەكسٸ), سونداي-اق, كەدەندٸك رەتتەۋ جەنە جەر قويناۋى جەنە جەر قويناۋىن پايدالانۋ تۋرالى التى ماڭىزدى كودەكس قابىلداندى.
«ەرەكشە ايتۋ كەرەك, بٸزدٸڭ دەپۋتاتتىق كورپۋس ەلدە قالىپتاسقان جاعداي كەزٸندە دە, كارانتين كەزٸندە ٶز جۇمىسىن بٸر كٷنگە دە توقتاتقان جوق. قايتا, زامانعا ساي تەحنولوگييالاردى پايدالانىپ, تيٸمدٸ جۇمىس جاسادىق», - دەدٸ نۇرلان نىعماتۋلين.
مەجٸلٸس قىزمەتٸ بارىسىندا حالىق كٶتەرگەن ناقتى مەسەلەلەردٸ شەشۋگە ٷنەمٸ كٶڭٸل بٶلٸپ كەلەدٸ. وسى بەس جىل ٸشٸندە مەجٸلٸسمەندەر 1150 دەپۋتاتتىق ساۋال جولداپ, تۇرعىنداردان 23 700-گە جۋىق حات كەلٸپ, تيٸستٸ جاۋابى قايتارىلعان.
مۇنىمەن قوسا, دەپۋتاتتار ٶڭٸرلەردٸ ارالاپ, 17 مىڭنان استام كەزدەسۋلەر ۇيىمداستىرىپ, 1 ملن-نان استام اداممەن كەزدەسۋلەر ٶتكٸزدٸ.
نۇرلان نىعماتۋلين التىنشى شاقىرىلىمداعى پارلامەنت مەجٸلٸسٸنٸڭ جۇمىسى اشىق تا نەتيجەلٸ بولعانىن اتاپ ٶتٸپ, زاڭ جوبالارىن تالقىلايتىن جۇمىس توپتارىنىڭ قۇرامىنا پارلامەنتتٸك ەمەس پارتييالاردىڭ, ٷكٸمەتتٸك ەمەس ۇيىمدار مەن قوعامدىق بٸرلەستٸكتەردٸڭ ٶكٸلدەرٸ شاقىرىلاتىنىن ايتىپ, مەجٸلٸستٸڭ جالپى وتىرىستارى, كوميتەتتەردٸڭ جيىندارى بەدەلدٸ اقپاراتتىق سايتتاردا, پورتالداردا ونلاين تٷردە كٶرسەتٸلەتٸنٸنە توقتالدى.
بٷگٸنگٸ جالپى وتىرىستى قورىتىندىلاعان مەجٸلٸس تٶراعاسى دەپۋتاتتارعا ەلٸمٸزدٸڭ زاڭنامالىق بازاسىن جەتٸلدٸرٸپ, وتاندىق پارلامەنتاريزمدٸ دامىتۋعا قوسقان ەلەۋلٸ ٷلەستەرٸ ٷشٸن, زاڭ شىعارۋ پروتسەسٸنە بەلسەندٸ ارالاسقان بارلىق مەملەكەتتٸك ورگانداردىڭ, ازاماتتىق قوعامنىڭ, ساراپتامالىق قوعامداستىقتىڭ ٶكٸلدەرٸنە العىسىن بٸلدٸردٸ.
