شىمكەنتتە قازا تاپقان 21 جاستاعى نۇراي سەرٸكبايدىڭ ٶلٸمٸنە قاتىستى قىلمىستىق ٸس بويىنشا تەرگەۋ اياقتالۋ كەزەڭٸنە جەتتٸ. بۇل تۋرالى ٸشكٸ ٸستەر مينيسترٸنٸڭ ورىنباسارى سانجار ەدٸلوۆ سەنات كۋلۋارىندا مەلٸمدەدٸ., دەپ حابارلايدى ult.kz.
ونىڭ ايتۋىنشا, اتالعان ٸس بويىنشا تەرگەۋ جۇمىستارى ماۋسىم ايىندا تولىق اياقتالىپ, كەيٸن قىلمىستىق ٸس ماتەريالدارى سوتقا جولدانادى.
ەسكە سالايىق, بيىل 11 قاڭتاردا شىمكەنتتەگٸ كٶپقاباتتى تۇرعىن ٷيلەردٸڭ بٸرٸنٸڭ ماڭىنان 21 جاستاعى قىزدىڭ مەيٸتٸ تابىلعان ەدٸ. كۋەگەرلەر ونىڭ دەنەسٸندە پىشاق جاراقاتتارى بولعانىن ايتقان. كەيٸن پوليتسييا كٷدٸكتٸنٸڭ مارقۇممەن بۇرىننان تانىس بولعانىن حابارلادى.
13 قاڭتار كٷنٸ جٷرگٸزٸلگەن جەدەل-ٸزدەستٸرۋ شارالارى بارىسىندا قۇقىق قورعاۋ ورگاندارى 28 جاستاعى ەر ادامدى ۇستاپ, وعان «ادام ٶلتٸرۋ» بابى بويىنشا ايىپ تاقتى. سوت كٷدٸكتٸنٸ قاماۋعا الۋ تۋرالى شەشٸم شىعارعان.
مارقۇمنىڭ تۋعان اعاسىنىڭ ايتۋىنشا, نۇراي كٷدٸكتٸمەن شامامەن بٸر جىل بويى تانىس بولعان. ونىڭ سٶزٸنشە, ەر ادام قىزدى الىپ قاشۋعا ەرەكەت جاساپ, كەيٸن دە اڭدىپ, قوقان-لوقى كٶرسەتكەن.
رەزونانس تۋدىرعان وقيعادان كەيٸن شىمكەنت قالالىق پوليتسييا دەپارتامەنتٸنٸڭ باسشىسى نۇرلان الماسبەكوۆ قىزمەتٸنەن بوساتىلدى. سونداي-اق ونىڭ بٸرٸنشٸ ورىنباسارى مەن بٸرقاتار لاۋازىمدى قىزمەتكەرلەر تەرتٸپتٸك جاۋاپكەرشٸلٸككە تارتىلىپ, قىزمەتتەرٸنەن كەتكەن.
بۇدان بٶلەك, نۇراي سەرٸكبايدىڭ ٶلٸمٸنە بايلانىستى قىلمىستىق كودەكستٸڭ 125-1-بابى («نەكە قييۋعا مەجبٷرلەۋ») بويىنشا تاعى بٸر قىلمىستىق ٸس قوزعالعان.
قازٸرگٸ تاڭدا تەرگەۋ اياقتالۋعا جاقىن. ٸس ماۋسىم ايىندا سوت قاراۋىنا جولدانادى دەپ جوسپارلانىپ وتىر.
