نۇر-سۇلتانداعى كٶپٸردە بولعان جول اپاتىنان امان قالعان جالعىز ادامنىڭ جاعدايى اۋىر. بۇل تۋرالى اكادەميك باتپەنوۆ اتىنداعى تراۆماتولوگييا جەنە ورتوپەدييا ۇلتتىق عىلىمي ورتالىعى مەلٸم ەتتٸ, - دەپ حابارلايدى Tengrinews.kz.
"كەشە بولعان جانتٷرشٸگەرلٸك جول اپاتىنان زارداپ شەككەن 18 جاستاعى قىز اۋىر حالدە. ناۋقاستىڭ ومىرتقاسى سىنعان جەنە تراۆماتيكالىق شوك العان. وعان شۇعىل تٷردە وتا جاسالدى. بٷگٸندە جاعدايى اۋىر", - دەدٸ دەرٸگەرلەر.
ەسكە سالايىق, نۇر-سۇلتاندا Toyota Camry اۆتوكٶلٸگٸنٸڭ 19 جاستاعى جٷرگٸزۋشٸسٸ ەسٸل ٶزەنٸ ارقىلى ٶتەتٸن كٶپٸردەن سارايشىق كٶشەسٸنە قاراي جٷرٸپ, جىلدامدىق رەجيمٸن ساقتاماعاندىقتان رٶلدٸ باسقارا الماي قارسى قوزعالىس جولاعىنا شىعىپ, Nexıa Ravon اۆتوكٶلٸگٸمەن سوقتىعىسقان بولاتىن.
