Nur-Sultandaǵy kópirde bolǵan jol apatynan aman qalǵan jalǵyz adamnyń jaǵdaiy aýyr. Bul týraly akademik Batpenov atyndaǵy travmatologiia jáne ortopediia ulttyq ǵylymi ortalyǵy málim etti, - dep habarlaidy Tengrinews.kz.
"Keshe bolǵan jantúrshigerlik jol apatynan zardap shekken 18 jastaǵy qyz aýyr halde. Naýqastyń omyrtqasy synǵan jáne travmatikalyq shok alǵan. Oǵan shuǵyl túrde ota jasaldy. Búginde jaǵdaiy aýyr", - dedi dárigerler.
Eske salaiyq, Nur-Sultanda Toyota Camry avtokóliginiń 19 jastaǵy júrgizýshisi Esil ózeni arqyly ótetin kópirden Saraishyq kóshesine qarai júrip, jyldamdyq rejimin saqtamaǵandyqtan róldi basqara almai qarsy qozǵalys jolaǵyna shyǵyp, Nexia Ravon avtokóligimen soqtyǵysqan bolatyn.
