بٷگٸن ۆەنادا اتوم ەنەرگيياسى جٶنٸندەگٸ حالىقارالىق اگەنتتٸك (اەحا) باس كونفەرەنتسيياسىنىڭ 64-سەسسيياسى باستالدى. كونفەرەنتسييا بارىسىندا قازاقستاننىڭ ەنەرگەتيكا مينيسترٸ نۇرلان نوعاەۆ بەينەبايلانىس ارقىلى سٶز سٶيلەدٸ, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
1994 جىلى 14 اقپاندا قازاقستان رەسپۋبليكاسى اتوم ەنەرگيياسى جٶنٸندەگٸ حالىقارالىق اگەنتتٸكتٸڭ 121-شٸ مٷشەسٸ بولدى. 1994 جىلى 26 شٸلدەدە الماتىدا يادرولىق قارۋدى تاراتپاۋ تۋرالى شارتقا بايلانىستى كەپٸلدٸكتەردٸ قولدانۋ تۋرالى قازاقستان رەسپۋبليكاسى مەن اەحا اراسىندا كەلٸسٸمگە قول قويىلدى, بۇل كەلٸسٸم پرەزيدەنتتٸڭ 1995 جىلعى 19 ماۋسىمداعى №2344 جارلىعىمەن راتيفيكاتسييالانعان.
قازاقستان رەسپۋبليكاسىنىڭ ەنەرگەتيكا مينيسترلٸگٸ اتوم ەنەرگيياسى جٶنٸندەگٸ حالىقارالىق اگەنتتٸكپەن اتوم ەنەرگيياسىن پايدالانۋ سالاسىنداعى ٶزارا ٸس-قيمىلدى جٷزەگە اسىرادى.
نۇرلان نوعاەۆ ٶز سٶزٸندە اگەنتتٸكتٸڭ كەپٸلدٸكتەر جٷيەسٸ يادرولىق قارۋدى تاراتپاۋ رەجيمٸن قامتاماسىز ەتۋدٸڭ ەڭ تيٸمدٸ قۇرالى بولىپ تابىلاتىنىن اتاپ ٶتتٸ.
«قازاقستان رەسپۋبليكاسى - يادرولىق قارۋسىزدانۋ, يادرولىق قارۋدى تاراتپاۋ جەنە اتوم ەنەرگيياسىن بەيبٸت ماقساتتا پايدالانۋ سالاسىنداعى بارلىق ٸرگەلٸ حالىقارالىق شارتتاردىڭ قاتىسۋشىسى, - دەپ اتاپ ٶتتٸ نۇرلان نوعاەۆ. - ٶتكەن جىلى قازاقستان ەلەمدەگٸ 26-شى مەملەكەت بولىپ, يادرولىق قارۋعا تىيىم سالۋ تۋرالى شارتتى (ياقتش) راتيفيكاتسييالادى. اعىمداعى جىلدىڭ 14 مامىرىندا قر پرەزيدەنتٸ قاسىم-جومارت توقاەۆ ۆەنا كونۆەنتسيياسىنىڭ ەرەجەلەرٸن يمپلەمەنتاتسييالاۋ ماقساتىندا يادرولىق زالال ٷشٸن وپەراتورلاردىڭ ازاماتتىق-قۇقىقتىق جاۋاپكەرشٸلٸگٸ مەسەلەلەرٸ جٶنٸندەگٸ زاڭعا قول قويدى».
نوعاەۆتىڭ ايتۋىنشا, قازاقستان يادرولىق قارۋدى تاراتپاۋ جەنە يادرولىق قاۋٸپسٸزدٸكتٸ قامتاماسىز ەتۋ رەجيمٸ اياسىندا زەرتتەۋ رەاكتورلارىن كونۆەرسييالاۋ جەنە جوعارى بايىتىلعان ۋراندى كەدەگە جاراتۋ جۇمىستارىن جٷرگٸزۋدە.
