Búgin Venada Atom energiiasy jónindegi halyqaralyq agenttik (AEHA) bas konferentsiiasynyń 64-sessiiasy bastaldy. Konferentsiia barysynda Qazaqstannyń Energetika ministri Nurlan Noǵaev beinebailanys arqyly sóz sóiledi, dep habarlaidy "Ult aqparat" ministrliktiń baspasóz qyzmetine silteme jasap.
1994 jyly 14 aqpanda Qazaqstan Respýblikasy Atom energiiasy jónindegi halyqaralyq agenttiktiń 121-shi múshesi boldy. 1994 jyly 26 shildede Almatyda Iadrolyq qarýdy taratpaý týraly shartqa bailanysty kepildikterdi qoldaný týraly Qazaqstan Respýblikasy men AEHA arasynda kelisimge qol qoiyldy, bul kelisim Prezidenttiń 1995 jylǵy 19 maýsymdaǵy №2344 jarlyǵymen ratifikatsiialanǵan.
Qazaqstan Respýblikasynyń Energetika ministrligi Atom energiiasy jónindegi halyqaralyq agenttikpen atom energiiasyn paidalaný salasyndaǵy ózara is-qimyldy júzege asyrady.
Nurlan Noǵaev óz sózinde Agenttiktiń kepildikter júiesi iadrolyq qarýdy taratpaý rejimin qamtamasyz etýdiń eń tiimdi quraly bolyp tabylatynyn atap ótti.
«Qazaqstan Respýblikasy - iadrolyq qarýsyzdaný, iadrolyq qarýdy taratpaý jáne atom energiiasyn beibit maqsatta paidalaný salasyndaǵy barlyq irgeli halyqaralyq sharttardyń qatysýshysy, - dep atap ótti Nurlan Noǵaev. - Ótken jyly Qazaqstan álemdegi 26-shy memleket bolyp, Iadrolyq qarýǵa tyiym salý týraly shartty (IaQTSh) ratifikatsiialady. Aǵymdaǵy jyldyń 14 mamyrynda QR Prezidenti Qasym-Jomart Toqaev Vena konventsiiasynyń erejelerin implementatsiialaý maqsatynda iadrolyq zalal úshin operatorlardyń azamattyq-quqyqtyq jaýapkershiligi máseleleri jónindegi Zańǵa qol qoidy».
Noǵaevtyń aitýynsha, Qazaqstan iadrolyq qarýdy taratpaý jáne iadrolyq qaýipsizdikti qamtamasyz etý rejimi aiasynda zertteý reaktorlaryn konversiialaý jáne joǵary baiytylǵan ýrandy kádege jaratý jumystaryn júrgizýde.
