سۋرەت اشىق دەرەككٶزدەن الىندى
الماتى قالاسىندا 214 مىڭ ادام قارجى ۇيىمدارى الدىنداعى نەسيەسٸن تٶلەي الماي جٷر. بۇل تۋرالى قالا بويىنشا مكد باسشىسىنىڭ ورىنباسارى زاڭعار شىندالي ٶڭٸرلٸك كوممۋنيكاتسييالار قىزمەتٸندە ٶتكەن باسپاسٶز مەسليحاتىندا ايتتى, دەپ حابارلايدى قازاقپارات.
«اقپاراتقا سەيكەس, بٷگٸنگٸ كٷنٸ 214 مىڭ جەكە تۇلعا قارىزدارىن ۋاقىتىلى تٶلەي الماي جٷر. بٸراق ولاردىڭ بارلىعى ٶزدەرٸن بانكروت دەپ جارييا ەتە المايدى. ولار كٸرٸس كريتەرييالارىنا سەيكەس كەلۋٸ كەرەك. بٸرٸنشٸدەن, سوتتان تىس بانكروتتىق بولسا مٷلكٸ بولماۋى قاجەت. ەكٸنشٸدەن, سوت ارقىلى بولسا سوماسىن قاراۋ كەرەك», - دەيدٸ الماتى قالاسى بويىنشا مكد باسشىسىنىڭ ورىنباسارى زاڭعار شىندالي.
سونىمەن قاتار, ول جەكە تۇلعانىڭ قارجىلىق جاعدايىنا مونيتورينگ جٷرگٸزٸلەتٸنٸن ەسكە سالدى.
بۇعان دەيٸن قر قارجى ۆيتسە-مينيسترٸ سەناتتا ٶتكەن دٶڭگەلەك ٷستەل بارىسىندا ەلٸمٸزدە نەسيە جەنە باسقا دا قارىزىن تٶلەمەي جٷرگەن 7 ملن بورىشكەر بار ەكەنٸن ايتقان بولاتىن.
ايتا كەتەيٸك, قازاقستاندىقتار 2023 جىلدىڭ 3 ناۋرىزىنان باستاپ بانكروتتىققا ٶتٸنٸش بەرە الادى.
