sýret ashyq derekkózden alyndy
Almaty qalasynda 214 myń adam qarjy uiymdary aldyndaǵy nesiesin tólei almai júr. Bul týraly qala boiynsha MKD basshysynyń orynbasary Zańǵar Shyndali Óńirlik kommýnikatsiialar qyzmetinde ótken baspasóz máslihatynda aitty, dep habarlaidy QazAqparat.
«Aqparatqa sáikes, búgingi kúni 214 myń jeke tulǵa qaryzdaryn ýaqytyly tólei almai júr. Biraq olardyń barlyǵy ózderin bankrot dep jariia ete almaidy. Olar kiris kriteriialaryna sáikes kelýi kerek. Birinshiden, sottan tys bankrottyq bolsa múlki bolmaýy qajet. Ekinshiden, sot arqyly bolsa somasyn qaraý kerek», - deidi Almaty qalasy boiynsha MKD basshysynyń orynbasary Zańǵar Shyndali.
Sonymen qatar, ol jeke tulǵanyń qarjylyq jaǵdaiyna monitoring júrgiziletinin eske saldy.
Buǵan deiin QR Qarjy vitse-ministri Senatta ótken dóńgelek ústel barysynda elimizde nesie jáne basqa da qaryzyn tólemei júrgen 7 mln boryshker bar ekenin aitqan bolatyn.
Aita keteiik, qazaqstandyqtar 2023 jyldyń 3 naýryzynan bastap bankrottyqqa ótinish bere alady.
