قازاقستان ٶنەركەسٸپتٸڭ دەستٷرلٸ سالالارىندا, ەڭ الدىمەن تاۋ-كەن مەتاللۋرگييا كەشەنٸندە جاڭا ٶڭدەۋ كەزەڭدەرٸن قۇرۋ ارقىلى تۇراقتى ەرٸ ساپالى ەكونوميكالىق ٶسٸمگە قول جەتكٸزە الادى. بۇل تۋرالى ەكونوميكالىق شولۋشى يۋريي ماسانوۆ Facebook جەلٸسٸندەگٸ پاراقشاسىندا مەلٸمدەپ, وتاندىق مەتاللۋرگييا سەكتورىنىڭ ەلەۋەتٸن ەگجەي-تەگجەيلٸ تالداپ بەردٸ, دەپ حابارلايدى Ult.kz.
ساراپشىنىڭ ايتۋىنشا, قازٸرگٸ ۋاقىتتا ەل رەسۋرستاردى جەر قويناۋىنان شىعارعان بويدا ەكسپورتقا جٶنەلتۋدٸ جالعاستىرىپ وتىر. ۇلتتىق ستاتيستيكا بيۋروسىنىڭ دەرەكتەرٸ دە وسى ٷردٸستٸ راستايدى: 2024 جىلى شەتەلگە 3,14 ملرد اقش دوللارىنا 1,8 ملن توننا مىس كەنٸ مەن كونتسەنتراتى جٶنەلتٸلسە, 2025 جىلى ەكسپورت كٶلەمٸ 2,8 ملرد دوللارعا 1,4 ملن توننانى قۇرادى. ال 2026 جىلدىڭ العاشقى جەتٸ ايىندا 2,3 ملرد دوللارعا 845 مىڭ توننا شيكٸزات سىرتقا شىعارىلعان.
تۇراقتى ۆاليۋتالىق تٷسٸمگە قاراماستان, ٶڭدەلمەگەن رەسۋرستاردى ساتۋ نەگٸزگٸ قوسىلعان قۇندى مەملەكەتتەن تىس جەردە قالدىرادى. ساراپشى مىس كونتسەنتراتى ٶندٸرٸستٸك تٸزبەكتەگٸ باستاپقى نٷكتە عانا ەكەنٸن, ودان كەيٸن بالقىتۋ, قارا جەنە انودتى مىس, رافينادتالعان كاتودتى مىس الۋ, سونداي-اق سىم, كابەلدەر مەن كٷردەلٸ جابدىقتار شىعارۋ جٷرۋٸ تيٸس ەكەنٸن اتاپ ٶتتٸ.
«وسى جاڭا قايتا ٶڭدەۋ دەڭگەيلەرٸنٸڭ ەرقايسىسىندا قوسىلعان قۇن ٶسەدٸ. بۇل دەگەنٸمٸز — جاڭا ٶندٸرٸستەر مەن جۇمىس ورىندارىنىڭ پايدا بولۋى, بٸلٸكتٸ ماماندارعا, ەنەرگەتيكاعا, ترانسپورت پەن سەرۆيسگە دەگەن سۇرانىس. شيكٸزات ەكسپورتىنىڭ ورنىنا بٸز ەل ٸشٸندە تولىققاندى ٶنەركەسٸپتٸك ەكوجٷيە قالىپتاستىرا الامىز», — دەپ اتاپ ٶتتٸ يۋريي ماسانوۆ.
شيكٸزاتتى تەرەڭ ٶڭدەۋ, سونىمەن قاتار, التىن مەن كٷمٸس سيياقتى ٸلەسپە باعالى مەتالداردى بٶلٸپ الۋعا جەنە ەلەمدٸك لوگيستيكالىق باعدارلاردىڭ تۇراقسىزدىعى جاعدايىندا ۋران سالاسىنا ٶتە قاجەت كٷكٸرت قىشقىلىن ٶندٸرۋگە مٷمكٸندٸك بەرەدٸ.
حالىقارالىق ەنەرگەتيكالىق اگەنتتٸكتٸڭ جاسىل تەحنولوگييالار, جاساندى ينتەللەكت جەنە داتا-ورتالىقتاردىڭ دامۋىنا بايلانىستى 2035 جىلعا قاراي مىس دەفيتسيتٸ بولۋى مٷمكٸن دەگەن بولجامدارى اياسىندا قازاقستانعا جاڭا ينۆەستيتسييالىق تسيكلدى باستاۋ ماڭىزدى.
ەكونوميستتٸڭ پٸكٸرٸنشە, بۇل پروتسەستٸڭ باستاپقى قادامى ەل ٸشٸندە جاڭا مىس بالقىتۋ زاۋىتتارىن سالۋ بولۋى تيٸس.
