مەملەكەت باسشىسى نۇرسۇلتان نازارباەۆ بٷگٸنگٸ پارلامەنت پالاتالارىنىڭ بٸرلەسكەن وتىرىسىندا حالىقتىڭ ەل-اۋقاتىن ارتتىرۋ ماقساتىندا ەلەۋمەتتٸك بەس باستاما ۇسىندى, دەپ حابارلايدى Baq.kz تٸلشٸسٸ.
«تابىسىمىزدى ەسەلەپ, تەۋەلسٸزدٸگٸمٸزدٸ باياندى ەتە تٷسۋ ٷشٸن بٸزگە بالتالاسا دا بۇزىلمايتىن بەرٸك اۋىزبٸرشٸلٸك كەرەك. بەرەكەلٸ بٸرلٸگٸمٸزدٸ كٶزدٸڭ قاراشىعىنداي ساقتاي الساق, بەرەكەلٸ تٸرلٸگٸمٸزگە تٶنەتٸن قاۋٸپ جوق. مۇنى ايتىپ ٶتكەنٸم, اۋمالى-تٶكپەلٸ دٷنيەنٸڭ ورتاسىندا جٷرٸپ جاتىرمىز. ەجەلدەن اتا-بابامىز ەكٸ يمپەرييانىڭ اراسىندا ٶمٸر سٷرٸپ كەلە جاتىر, حالىق نەشەتٷرلٸ قييامەتتٸ كٶردٸ. قازٸر قۇبىلمالى زامان, قاي جاقتان نە بولاتىنىن ەشكٸم بٸلمەيدٸ. سوندىقتان جۇدىرىقتاي جۇمىلعان رۋحى بيٸك حالىقتى ەشكٸم المايدى. مەسەلە حالىقتىڭ كٶپتٸگٸندە, ازدىعىندا ەمەس, مەسەلە ادامنىڭ قۋاتتىلىعىندا, ساۋاتتىلىعىندا ەمەس, مەسەلە – رۋحاني بٸرلٸكتە. جان اياماي "نە تەۋەلسٸزدٸك, نە ٶمٸر جوق" دەگەن قاعيدامەن ٶمٸر سٷرۋٸمٸز كەرەك. جاستاردى سولاي تەربيەلەگەن جٶن جەنە وسى جەردە ولقىلىقتار بار. قازاقستانداعى جاقسى مەن جاماننىڭ بەرٸنە ەل مەن جەردٸڭ يەسٸ رەتٸندە قازاق جاۋاپتى», - دەدٸ ەلباسى.
پرەزيدەنت قازاق حالقىنا وسى ۇلى جاۋاپكەرشٸلٸكتٸ سەزٸنە وتىرىپ, بارشا ۇلىستىڭ ۇيىتقىسى بولۋعا, ٶزگەگە ٶنەگە كٶرسەتۋگە شاقىردى.
«جارييالانىپ وتىرعان ٸستەردٸڭ بەرٸ ەلدٸڭ قامى, ەسٸرەسە بولاشاقتىڭ, جاستاردىڭ قامى. بۇل شارالاردى ورىنداۋ ٷشٸن اۋىزبٸرشٸلٸك پەن جٸگەر قاجەت. وسىنى ٷنەمٸ ەستە ۇستاپ تىڭ مٸندەتتەردٸ ناقتى تابىستارعا ۇلاستىرا بەرەيٸك. ٸسكە سەت», - دەدٸ نۇرسۇلتان نازارابەۆ پارلامەنتتٸڭ قوس پالاتاسىنىڭ بٸرلەسكەن وتىرىسىندا.
مەملەكەت باسشىسى سٶز سوڭىندا پارلامەنت پەن ٷكٸمەتكە حالىقپەن اقىلداسا وتىرىپ تيٸستٸ جوبالاردى جاساۋ ٷشٸن ٸسكە كٸرٸسۋدٸ تاپسىردى. حالىقتىڭ جاعدايىن تٷزەۋ ٷشٸن ەلدە دە مۇنداي جاعدايلار جالعاسا بەرەتٸنٸن جەنە بۇل باستاماسى عانا ەكەنٸن ايتا كەتتٸ. سودان كەيٸن بٸرلەسكەن وتىرىس جابىق دەپ جارييالاندى.
