سەناتور داريعا نازارباەۆا لەززات قيىنوۆتىڭ مۇناي سالاسىنان كەتٸپ قالۋىنا بايلانىستى ٶكٸنٸش بٸلدٸردٸ, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
قر اۋىل شارۋاشىلىعى مينيسترلٸگٸنٸڭ ٶكٸلدەرٸمەن ٶتكەن كەزدەسۋدە ازىق-تٷلٸك قاۋٸپسٸزدٸگٸ مەسەلەلەرٸ تالقىلاندى. ونىڭ ٸشٸندە اۋىل شارۋاشىلىعى تاۋارلارىن الىپ-ساتۋ كەزٸندە باعانىڭ قىمباتتاۋىنا قاتىستى مەسەلەلەر قوزعالدى. سونداي-اق, قر اۋىل شارۋاشىلىعى بٸرٸنشٸ ۆيتسە-مينيسترٸ قايرات ايتۋعانوۆ كٶتەرمە باعامەن ساتىلاتىن ورتالىقتاردى قۇرۋ جايىندا ايتتى.
ال سەناتور لەززات قيىنوۆ وسى مەسەلەگە قاتىستى كٷمەنٸ بار ەكەنٸن ايتىپ ٶتتٸ.
"ولار بۇل پروبلەمالاردى شەشە المايدى, ياعني, ولار ساۋدا نٷكتەسٸنٸڭ ەرقايسىسىن باقىلاي المايدى. مۇناي سالاسىندا جۇمىس ٸستەگەندە, بٸز ەربٸر ساۋدا نٷكتەسٸنە باعانى 3-5 پايىزدان اسىرماۋدى ايتقانبىز. ولار ەرەجەنٸ بۇزعان جاعدايدا, بٸز ولارعا وتىن بەرمەيتٸنبٸز. بۇل جەردە بارلىعىن زاڭدى تٷردە جاساۋ كەرەك", - دەپ كەڭەس بەردٸ سەناتور.
"سٸزدٸڭ كەتكەنٸڭٸز ٶكٸنٸشتٸ, بەنزين ارزان بولار ما ەدٸ", - دەدٸ ٶز كەزەگٸندە داريعا نازارباەۆا.
ايتا كەتەيٸك, لەززات قيىنوۆ مۇناي سالاسىندا 1971 جىلدان باستاپ جۇمىس ٸستەگەن. ال 2002 جىلدان باستاپ "قازمۇنايگاز" اق باسقارما تٶراعاسى قىزمەتٸنە كەلدٸ. 2013 جىلعا دەيٸن ۇلتتىق كومپانيياداعى تٷرلٸ قىزمەتتەردە بولدى. 2013 جىلى قازاقستان پارلامەنتٸنٸڭ سەناتىنىڭ دەپۋتاتى قىزمەتٸنە كەلدٸ.
