Senator Dariǵa Nazarbaeva Lázzat Qiynovtyń munai salasynan ketip qalýyna bailanysty ókinish bildirdi, - dep habarlaidy "Ult aqparat" kaz.tengrinews.kz portalyna silteme jasap.
QR Aýyl sharýashylyǵy ministrliginiń ókilderimen ótken kezdesýde azyq-túlik qaýipsizdigi máseleleri talqylandy. Onyń ishinde aýyl sharýashylyǵy taýarlaryn alyp-satý kezinde baǵanyń qymbattaýyna qatysty máseleler qozǵaldy. Sondai-aq, QR Aýyl sharýashylyǵy birinshi vitse-ministri Qairat Aitýǵanov kóterme baǵamen satylatyn ortalyqtardy qurý jaiynda aitty.
Al senator Lázzat Qiynov osy máselege qatysty kúmáni bar ekenin aityp ótti.
"Olar bul problemalardy sheshe almaidy, iaǵni, olar saýda núktesiniń árqaisysyn baqylai almaidy. Munai salasynda jumys istegende, biz árbir saýda núktesine baǵany 3-5 paiyzdan asyrmaýdy aitqanbyz. Olar erejeni buzǵan jaǵdaida, biz olarǵa otyn bermeitinbiz. Bul jerde barlyǵyn zańdy túrde jasaý kerek", - dep keńes berdi senator.
"Sizdiń ketkenińiz ókinishti, benzin arzan bolar ma edi", - dedi óz kezeginde Dariǵa Nazarbaeva.
Aita keteiik, Lázzat Qiynov munai salasynda 1971 jyldan bastap jumys istegen. Al 2002 jyldan bastap "QazMunaiGaz" AQ basqarma tóraǵasy qyzmetine keldi. 2013 jylǵa deiin ulttyq kompaniiadaǵy túrli qyzmetterde boldy. 2013 jyly Qazaqstan Parlamentiniń Senatynyń depýtaty qyzmetine keldi.
