بٷگٸن ٷكٸمەتتٸڭ كەڭەيتٸلگەن مەجٸلٸسٸندە قازاقستان پرەزيدەنتٸ نۇرسۇلتان نازارباەۆ جەكەمەنشٸك بانكتەرگە مەملەكەتتٸك قولداۋ كٶرسەتۋدٸ توقتاتاتىن ۋاقىت جەتكەنٸن باسا ايتتى, دەپ حابارلايدى قازاقپارات.
«بتا بانكٸمەن بٸرٸكتٸرٸلگەننەن كەيٸن ايتارلىقتاي پروبلەمانى باستان كەشٸرگەن جٷيەقۇراۋشى بانك «قازكوممەرتسبانكٸ» ساۋىقتىرىلدى. ساۋىقتىرۋ نەتيجەسٸندە بتا بانكٸنٸڭ كرەديتٸن «پروبلەمالى نەسيەلەر قورى» ساتىپ الدى, ال «قازكوممەرتسبانكتٸڭ» ٶزٸنٸڭ كاپيتالداندىرۋ مٸندەتتەمەسٸ ستراتەگييالىق ينۆەستورعا ساتىلدى. مەملەكەتتٸك قولداۋدىڭ ارقاسىندا جالپى سوماسى 4,5 ترلن تەڭگەنٸ قۇرايتىن حالىقتىڭ دەپوزيتٸ, مەملەكەتتٸك جەنە جەكە كومپانييالاردىڭ قاراجاتتارى ساقتالىپ قالدى», - دەدٸ ۇلتتىق بانك تٶراعاسى دانييار اقىشەۆ وتىرىس بارىسىندا.
ونىڭ ايتۋىنشا, ۇلتتىق بانك ەلٸمٸزدٸڭ بانك جٷيەسٸنٸڭ 28 پايىزىن قۇرايتىن 5 بانككە قولداۋ كٶرسەتٸپ وتىر. ولارعا حالىقتىڭ 2 ترلن تەڭگە دەپوزيتٸ جەنە كۆازيمەملەكەتتٸك كومپانييالاردىڭ 2,2 ترلن تەڭگە دەپوزيتتەرٸ مەن ەسەپشوتتارى ورنالاستىرىلعان. اكتسيونەرلەردٸڭ بانكتٸ كاپيتالداندىرۋعا ىنتىماقتى قاتىسۋىنىڭ سىزباسى ۇيىمداستىرىلعان. اتالعان بانكتەرگە مەملەكەتتٸك قولداۋ 653 ملرد تەڭگەنٸ قۇراسا, ولاردىڭ اكتسيونەرلەرٸ 421 ملن تەڭگە سوماسىندا كاپيتال سالۋعا مٸندەتتەمە العان.
سونىمەن قاتار, ول ٷكٸمەت پەن ۇلتتىق بانك ٸرٸ بانكتەردٸ كاپيتالداندىرۋ شارالارى باعدارلاماسىن جٷزەگە اسىرۋدى اياقتاۋ تۋرالى شەشٸم قابىلداعاندىعىن اتاپ ٶتتٸ.
«دۇرىس. بٸرٸنشٸدەن, بانكپەن جۇمىس ٸستەگٸسٸ كەلگەن اۋقاتتى ادامدار ولاردى مەملەكەتتٸڭ ەش قاتىسۋىنسىز قۇراتىندىعىن بارلىعىنا جارييا ەتۋٸ كەرەك. ودان كەيٸن بانك سەتسٸزدٸككە ۇشىرايدى دا, مەملەكەت ونىڭ «شالبارىن» ۇستاپ تۇرۋى تيٸس بولادى. قۇرعان ەكەن ٶزٸ سوڭىنا دەيٸن جاۋاپ بەرسٸن. ەكونوميكانى كرەديتتەۋ قولداۋدى تالاپ ەتتٸ. ۇلتتىق بانك جٷيە قۇراۋشى بانكتەرگە بۇل قولداۋدى كٶرسەتتٸ», - دەدٸ نۇرسۇلتان نازارباەۆ ٶز كەزەگٸندە.
