Búgin Úkimettiń keńeitilgen májilisinde Qazaqstan Prezidenti Nursultan Nazarbaev jekemenshik bankterge memlekettik qoldaý kórsetýdi toqtatatyn ýaqyt jetkenin basa aitty, dep habarlaidy QazAqparat.
«BTA bankimen biriktirilgennen keiin aitarlyqtai problemany bastan keshirgen júiequraýshy bank «Qazkommertsbanki» saýyqtyryldy. Saýyqtyrý nátijesinde BTA bankiniń kreditin «Problemaly nesieler qory» satyp aldy, al «Qazkommertsbanktiń» óziniń kapitaldandyrý mindettemesi strategiialyq investorǵa satyldy. Memlekettik qoldaýdyń arqasynda jalpy somasy 4,5 trln teńgeni quraityn halyqtyń depoziti, memlekettik jáne jeke kompaniialardyń qarajattary saqtalyp qaldy», - dedi Ulttyq bank tóraǵasy Daniiar Aqyshev otyrys barysynda.
Onyń aitýynsha, Ulttyq bank elimizdiń bank júiesiniń 28 paiyzyn quraityn 5 bankke qoldaý kórsetip otyr. Olarǵa halyqtyń 2 trln teńge depoziti jáne kvazimemlekettik kompaniialardyń 2,2 trln teńge depozitteri men esepshottary ornalastyrylǵan. Aktsionerlerdiń bankti kapitaldandyrýǵa yntymaqty qatysýynyń syzbasy uiymdastyrylǵan. Atalǵan bankterge memlekettik qoldaý 653 mlrd teńgeni qurasa, olardyń aktsionerleri 421 mln teńge somasynda kapital salýǵa mindetteme alǵan.
Sonymen qatar, ol Úkimet pen Ulttyq bank iri bankterdi kapitaldandyrý sharalary baǵdarlamasyn júzege asyrýdy aiaqtaý týraly sheshim qabyldaǵandyǵyn atap ótti.
«Durys. Birinshiden, bankpen jumys istegisi kelgen aýqatty adamdar olardy memlekettiń esh qatysýynsyz quratyndyǵyn barlyǵyna jariia etýi kerek. Odan keiin bank sátsizdikke ushyraidy da, memleket onyń «shalbaryn» ustap turýy tiis bolady. Qurǵan eken ózi sońyna deiin jaýap bersin. Ekonomikany kreditteý qoldaýdy talap etti. Ulttyq bank júie quraýshy bankterge bul qoldaýdy kórsetti», - dedi Nursultan Nazarbaev óz kezeginde.
