قازاقستاننىڭ تۇڭعىش پرەزيدەنتٸ نۇرسۇلتان نازارباەۆ "حابار" ارناسىنا بەرگەن سۇحباتىندا ەلوردانى كٶشٸرەتٸن كانديدات قالالاردى تاڭداعان كەزدە تٷركٸستان دا قاراستىرىلعانىن ايتتى, دەپ حابارلايدى Sputnik اگەنتتٸگٸ.
"ول كٶپتەن ويلاپ جٷرگەن مەسەلە ەدٸ. تٸپتٸ ەلوردانى تاڭداعان كەزدە دە ويىمدا بولدى. ول كەزدە كٸشٸگٸرٸم قالا. ەلوردانى وندا اپارا المايتىن بولدىق. سەبەبٸ ول – بٸزدٸڭ رۋحاني ورتالىعىمىز, تٸپتٸ تٷركٸ ەلەمٸنٸڭ رۋحاني ورداسى", - دەدٸ نازارباەۆ.
ەلباسى 1500 جىلدىق تاريحى بار تٷركٸستاندى جانداندىرۋدىڭ سەتٸ ەندٸ تٷسكەنٸن اتاپ ٶتتٸ. ٶيتكەنٸ استانانى سالعاننان كەيٸن وعان قاراجات تابىلا قويماعان.
"شىمكەنتتٸڭ حالقى ميلليوننان اسقاندىقتان, ونى ورتالىققا باعىناتىن قالا جاسادىق. سوندىقتان مەن تٷركٸستاندى وبلىس ورتالىعى دەپ جارييالادىم. تٷركٸ تٸلدەس مەملەكەتتەر دە, باسقالار دا ونى قولدادى. بۇل دۇرىس شەشٸم دەپ ويلايمىن", - دەپ تٷيٸندەدٸ ەلباسى.
سۇحبات 11 قازان كٷنٸ كٶرسەتٸلدٸ.
ەسكە سالا كەتەيٸك, نۇرسۇلتان نازارباەۆ 2019 جىلدىڭ 19 ناۋرىزىندا رەسپۋبليكالىق تەلەارنالاردان حالىققا ٷندەۋ جاساپ, وتستاۆكاعا كەتەتٸنٸن مەلٸمدەدٸ.
ول جوعارعى مەملەكەتتٸك قىزمەتتەن كەتكەنمەن قاۋٸپسٸزدٸك كەڭەسٸنٸڭ جەنە "نۇر وتان" پارتيياسىنىڭ باسشىسى قىزمەتتەرٸن ساقتاپ قالدى, سونىمەن قاتار كونستيتۋتسييالىق كەڭەستٸڭ مٷشەسٸ بولدى.
