Qazaqstannyń Tuńǵysh Prezidenti Nursultan Nazarbaev "Habar" arnasyna bergen suhbatynda elordany kóshiretin kandidat qalalardy tańdaǵan kezde Túrkistan da qarastyrylǵanyn aitty, dep habarlaidy Sputnik agenttigi.
"Ol kópten oilap júrgen másele edi. Tipti elordany tańdaǵan kezde de oiymda boldy. Ol kezde kishigirim qala. Elordany onda apara almaityn boldyq. Sebebi ol – bizdiń rýhani ortalyǵymyz, tipti túrki áleminiń rýhani ordasy", - dedi Nazarbaev.
Elbasy 1500 jyldyq tarihy bar Túrkistandy jandandyrýdyń sáti endi túskenin atap ótti. Óitkeni astanany salǵannan keiin oǵan qarajat tabyla qoimaǵan.
"Shymkenttiń halqy millionnan asqandyqtan, ony ortalyqqa baǵynatyn qala jasadyq. Sondyqtan men Túrkistandy oblys ortalyǵy dep jariialadym. Túrki tildes memleketter de, basqalar da ony qoldady. Bul durys sheshim dep oilaimyn", - dep túiindedi Elbasy.
Suhbat 11 qazan kúni kórsetildi.
Eske sala keteiik, Nursultan Nazarbaev 2019 jyldyń 19 naýryzynda respýblikalyq telearnalardan halyqqa úndeý jasap, otstavkaǵa ketetinin málimdedi.
Ol joǵarǵy memlekettik qyzmetten ketkenmen Qaýipsizdik Keńesiniń jáne "Nur Otan" partiiasynyń basshysy qyzmetterin saqtap qaldy, sonymen qatar Konstitýtsiialyq keńestiń múshesi boldy.
