قازاقستاندا ەندٸ «قۇرمەتتٸ سەناتور» اتاعى ەشكٸمگە بەرٸلمەيدٸ. بۇل تۋرالى سەنات تٶراعاسى مەۋلەن ەشٸمباەۆ مەلٸمدەدٸ, دەپ حابارلايدى "ۇلت اقپارات".
«وسىدان ەكٸ-ٷش اپتا بۇرىن سەنات رەگلامەنتٸنە تيٸستٸ ٶزگەرٸستەر ەنگٸزٸلدٸ. سونىڭ اياسىندا بٸز رەگلامەنتتەن «قۇرمەتتٸ سەناتور» اتاعىن الىپ تاستادىق. ەندٸ بٸزدە «قۇرمەتتٸ سەناتور» دەگەن ينستيتۋت جوق. 2022 جىلى ٶتكەن رەفەرەندۋمدا بٷكٸل حالىق قولداپ, كونستيتۋتسييادان ەلباسىعا قاتىستى نورمالار الىنىپ تاستالدى. بۇل - حالىقتىڭ شەشٸمٸ. ەرتەڭ تۇڭعىش پرەزيدەنت – ەلباسى تۋرالى زاڭ كٷشٸن (پارلامەنت پالاتالارىنىڭ بٸرلەسكەن وتىرىسىندا) جويادى», - دەدٸ ەشٸمباەۆ سەناتتىڭ جالپى وتىرىسىنان كەيٸن تٸلشٸلەر سۇراعىنا جاۋاپ بەرە ولتىرىپ.
فوتو: senate.parlam.kz
سپيكەردٸڭ ايتۋىنشا, بۇل دەرەجە بٸر ادامعا عانا بەرٸلگەن. بٸراق اتاق زاڭمەن بەكٸتٸلمەگەن, تەك سەناتتىڭ رەگلامەنتٸنە عانا ەنگٸزٸلگەن.
«ەندٸ زاڭداردا «قۇرمەتتٸ سەناتور» دەگەن اتاق جوق. بٸردەن ايتا كەتەيٸن, كەزٸندە سەنات رەگلامەنتٸنە وسى ٶزگەرٸس ەنگٸزٸلگەن. بٸز بۇل نورمانى قايتا قاراپ, ٶزگەرتكەندە «قۇرمەتتٸ سەناتور» اتاعىن الىپ تاستادىق. بۇعان دەيٸن ول تەك بٸر ادامعا (نۇرسۇلتان نازارباەۆقا – رەد.) بەرٸلگەن ەدٸ. ەندٸ مۇنداي اتاق ەشكٸمگە بەرٸلمەيدٸ. ٶيتكەنٸ بٸزدە قازٸر ونداي قۇقىقتىق نەگٸز جوق, الىپ تاستادىق», - دەپ تٷسٸندٸردٸ ول.
وسى ورايدا تٸلشٸلەر: "سوندا نازارباەۆ بۇل اتاقتان ايىرىلدى ما?", - دەپ سۇرادى.
«الىپ تاستادىق قوي ول اتاقتى, سوندىقتان ونداي اتاق قازٸر جوق, ونداي اتاق بولمايدى. تٷسٸنٸكتٸ عوي بارلىعى», - دەدٸ پالاتا تٶراعاسى.
