پرەزيدەنت اۋىل شارۋاشىلىعى سالاسىنداعى پروبلەمالاردى شەشۋدٸ تاپسىردى, دەپ حابارلايدى Baq.kz تٸلشٸسٸ.
قازاقستان پرەزيدەنتٸ نۇرسۇلتان نازارباەۆ ٷكٸمەتتٸڭ كەڭەيتٸلگەن وتىرىسى كەزٸندە ينۆەستيتسييا مەن اگروٶنەركەسٸپكە قاتىستى قيىندىقتاردى شەشۋدٸ تاپسىردى.
«60-61-قادامدار – اۋىل شارۋاشىلىق ٶنٸمدەرٸن جاساپ شىعارۋ ٷشٸن ستراتەگييالىق ينۆەستورلار تارتۋ. ارادا قانشا ۋاقىت ٶتسە دە, بٸراق ەلٸ كٷنگە دەيٸن ستراتەگييالىق ينۆەستوردىڭ قاتىسۋىمەن بٸردە-بٸر جوبا ٸسكە اسپادى. (...) ۋاقىت ٶتٸپ جاتىر, بايقا!..», - دەدٸ ەلباسى اۋىل شارۋاشىلىعىنىڭ مينيسترٸ ٶمٸرزاق شٷكەەۆكە.
مۇنىمەن قاتار, نازارباەۆ ينۆەستورلارعا قاتىستى تاعى بٸر پروبلەما تۋرالى ايتىپ ٶتتٸ.
«Gruppo Cremonini» توبى «ينالكو» كومپانيياسىنىڭ ٸرٸ ينۆەستورى اسقار مىرزاحمەتوۆتىڭ (بۇرىنعى اۋىل شارۋاشىلىق مينيسترٸ - اۆت.) سوڭىنان ٷش جىل «جٷگٸردٸ». بٸراق, بەرٸبٸر قۋىپ جەتە المادى. بۇل كومپانييا مەنٸڭ دە الدىما كەلدٸ. ولار تٶرت تٷلٸك مالدىڭ تەرٸسٸنەن باستاپ تۇياعىنا دەيٸن ٶڭدەيدٸ ەكەن. ال بٸز قالاي جۇمىس ٸستەپ, قالاي ٶڭدەيمٸز?» - دەدٸ ول.
شٷكەەۆ ٶز كەزەگٸندە بۇل مەسەلەنٸڭ رەتتەلٸپ جاتقانىن ايتتى.
«اياگٶزدە اۆسترالييالىق كومپانييانىڭ ەت كومبيناتى بار. ٶسكەمەندە دە تاۋىق ەتٸن ٶڭدەيتٸن زاۋىتتىڭ ينۆەستورلارى بار. بٸز ەت الۋ ٷشٸن مال ٶسٸرۋ باعدارلاماسىن جانداندىرعىمىز كەلەدٸ», - دەيدٸ مينيستر.
