Prezident aýyl sharýashylyǵy salasyndaǵy problemalardy sheshýdi tapsyrdy, dep habarlaidy Baq.kz tilshisi.
Qazaqstan Prezidenti Nursultan Nazarbaev Úkimettiń keńeitilgen otyrysy kezinde investitsiia men agroónerkásipke qatysty qiyndyqtardy sheshýdi tapsyrdy.
«60-61-qadamdar – aýyl sharýashylyq ónimderin jasap shyǵarý úshin strategiialyq investorlar tartý. Arada qansha ýaqyt ótse de, biraq áli kúnge deiin strategiialyq investordyń qatysýymen birde-bir joba iske aspady. (...) Ýaqyt ótip jatyr, baiqa!..», - dedi Elbasy aýyl sharýashylyǵynyń ministri Ómirzaq Shúkeevke.
Munymen qatar, Nazarbaev investorlarǵa qatysty taǵy bir problema týraly aityp ótti.
«Gruppo Cremonini» toby «Inalko» kompaniiasynyń iri investory Asqar Myrzahmetovtyń (burynǵy aýyl sharýashylyq ministri - avt.) sońynan úsh jyl «júgirdi». Biraq, báribir qýyp jete almady. Bul kompaniia meniń de aldyma keldi. Olar tórt túlik maldyń terisinen bastap tuiaǵyna deiin óńdeidi eken. Al biz qalai jumys istep, qalai óńdeimiz?» - dedi ol.
Shúkeev óz kezeginde bul máseleniń rettelip jatqanyn aitty.
«Aiagózde avstraliialyq kompaniianyń et kombinaty bar. Óskemende de taýyq etin óńdeitin zaýyttyń investorlary bar. Biz et alý úshin mal ósirý baǵdarlamasyn jandandyrǵymyz keledi», - deidi ministr.
