قازاقستان پرەزيدەنتٸ نۇرسۇلتان نازارباەۆ بلوكچەين تەحنولوگييالارىن قولدانا وتىرىپ, قوسىلعان قۇن سالىعىن جيناۋ اقپاراتتىق جٷيەسٸنٸڭ ماڭىزدىلىعىن اتاپ ٶتتٸ, دەپ حابارلايدى "ۇلت اقپارات".
«استانا-1» ٶتە ماڭىزدى. جارتى ساعات ۋاقىتتى 5 مينۋتقا دەيٸن قىسقارتۋ - بۇل ەدىۇ-دان (ەكونوميكالىق دامۋ جەنە ىنتىماقتاستىق ۇيىمى - اۆت.) دا مىقتى كٶرسەتكٸش. بلوكچەين تەحنولوگيياسىن ناقتى وسى باعىتتا قولدانۋ كەرەك. باقىلاۋ ايقىن بولۋى تيٸس. سالىقتىڭ جينالۋىن 15-تەن 25 پايىزعا جاقسارتۋ - بۇل قارجى مينيسترلٸگٸ ٷشٸن ٶتە ماڭىزدى», - دەدٸ ەلباسى ٷكٸمەتتٸڭ كەڭەيتٸلگەن وتىرىسىندا.
قارجى مينيسترٸ باقىت سۇلتانوۆتىڭ اتاپ ٶتۋٸنشە, وسى جىلدىڭ تامىز ايىندا بلوكچەين تەحنولوگييالارىن قولدانا وتىرىپ, قوسىلعان قۇن سالىعىن جيناۋ باعىتىندا جاڭا اقپاراتتىق جٷيەنٸڭ پروتوتيپٸن تانىستىرۋ كٶزدەلٸپ وتىر.
«بيىل تامىزدا بلوكچەين تەحنولوگيياسىمەن جۇمىس ٸستەيتٸن سالىق جيناۋدىڭ جاڭا اقپاراتتىق جٷيەسٸنٸڭ تانىستىرىلىمى ٶتەدٸ. بۇدان بٶلەك دٷنيەجٷزٸلٸك بانك پەن ەاەو ەلدەرٸمەن بٸرگە تاۋارلاردىڭ قۇنى تۋرالى اقپاراتتىق جٷيە دايىندالدى», - دەدٸ مينيستر.
سۇلتانوۆ كەلتٸرگەن اقپاراتقا سٷيەنسەك, ٶتكەن جىلى جٸٶ-گە قاتىستى سالىق تٷسٸمٸنٸڭ ازايۋ ترەندٸ توقتاتىلىپ, كٶرسەتكٸش جاقسارا تٷسكەن.
