Qazaqstan Prezidenti Nursultan Nazarbaev blokchein tehnologiialaryn qoldana otyryp, qosylǵan qun salyǵyn jinaý aqparattyq júiesiniń mańyzdylyǵyn atap ótti, dep habarlaidy "Ult aqparat".
«Astana-1» óte mańyzdy. Jarty saǵat ýaqytty 5 minýtqa deiin qysqartý - bul EDYU-dan (Ekonomikalyq damý jáne yntymaqtastyq uiymy - avt.) da myqty kórsetkish. Blokchein tehnologiiasyn naqty osy baǵytta qoldaný kerek. Baqylaý aiqyn bolýy tiis. Salyqtyń jinalýyn 15-ten 25 paiyzǵa jaqsartý - bul Qarjy ministrligi úshin óte mańyzdy», - dedi Elbasy Úkimettiń keńeitilgen otyrysynda.
Qarjy ministri Baqyt Sultanovtyń atap ótýinshe, osy jyldyń tamyz aiynda blokchein tehnologiialaryn qoldana otyryp, qosylǵan qun salyǵyn jinaý baǵytynda jańa aqparattyq júieniń prototipin tanystyrý kózdelip otyr.
«Biyl tamyzda blokchein tehnologiiasymen jumys isteitin salyq jinaýdyń jańa aqparattyq júiesiniń tanystyrylymy ótedi. Budan bólek Dúniejúzilik bank pen EAEO elderimen birge taýarlardyń quny týraly aqparattyq júie daiyndaldy», - dedi ministr.
Sultanov keltirgen aqparatqa súiensek, ótken jyly JIÓ-ge qatysty salyq túsiminiń azaiý trendi toqtatylyp, kórsetkish jaqsara túsken.
