نۇرسۇلتان نازارباەۆ رەسەي فەدەراتسيياسىنىڭ پرەزيدەنتٸ ۆلاديمير پۋتينگە كٶڭٸل ايتۋ جەدەلحاتىن جولدادى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى مەسكەۋ وبلىسىندا ان-148 جولاۋشىلار ۇشاعىنىڭ اپاتقا ۇشىراۋى سالدارىنان ادامداردىڭ قايعىلى قازاعا ۇشىراعانى تۋرالى حاباردى زور كٷيزەلٸسپەن قابىلدادى.
«قازا بولعانداردىڭ وتباسىلارىنا, تۋىستارى مەن جاقىندارىنا قازاقستان حالقىنىڭ جەنە جەكە ٶزٸمنٸڭ اتىمنان كٶڭٸل ايتامىن», – دەلٸنگەن جەدەلحاتتا.
ەستەرٸڭٸزگە سالا كەتەيٸك, مەسكەۋ تٷبٸندە "ساراتوۆ ەۋە جەلٸسٸنٸڭ" ان-148 جولاۋشىلار ۇشاعى قۇلادى. قۇلاعان ۇشاق رامەنسك اۋدانىنىڭ اۋماعىنان تابىلدى.
مəسكەۋدەن ورسك قالاسىنا ۇشىپ شىققان ۇشاق ەۋەگە كٶتەرٸلگەن سوڭ ەكٸ مينۋتتان كەيٸن راداردان جوعالىپ كەتكەن. ۇشاقتا 65 جولاۋشى مەن 6 ەكيپاج مٷشەسٸ بولعان. ولاردىڭ بارلىعى اجال قۇشتى.
