Nursultan Nazarbaev Resei Federatsiiasynyń Prezidenti Vladimir Pýtinge kóńil aitý jedelhatyn joldady, dep habarlaidy "Ult aqparat" Aqordaǵa silteme jasap.
Memleket basshysy Máskeý oblysynda An-148 jolaýshylar ushaǵynyń apatqa ushyraýy saldarynan adamdardyń qaiǵyly qazaǵa ushyraǵany týraly habardy zor kúizelispen qabyldady.
«Qaza bolǵandardyń otbasylaryna, týystary men jaqyndaryna Qazaqstan halqynyń jáne jeke ózimniń atymnan kóńil aitamyn», – delingen jedelhatta.
Esterińizge sala keteiik, Máskeý túbinde "Saratov áýe jelisiniń" An-148 jolaýshylar ushaǵy qulady. Qulaǵan ushaq Ramensk aýdanynyń aýmaǵynan tabyldy.
Məskeýden Orsk qalasyna ushyp shyqqan ushaq áýege kóterilgen soń eki minýttan keiin radardan joǵalyp ketken. Ushaqta 65 jolaýshy men 6 ekipaj múshesi bolǵan. Olardyń barlyǵy ajal qushty.
