«مير» تەلەارناسىنا بەرگەن ەكسكليۋزيۆتٸ سۇحباتىندا قازاقستان پرەزيدەنتٸ پەتەربۋرگ مەتروسىندا بولعان جارىلىس تۋرالى ايتتى.
«سانكت-پەتەربۋرگتە بولعان وقيعا قازاقستاندىقتاردىڭ الاڭداۋشىلىعىن تۋدىردى. مەن رەسەيلٸكتەردٸڭ قايعىسىن بٸرگە بٶلٸسەتٸنٸمٸزدٸ ايتىپ ھەم وسىنداي ەل باسىنا كٷن تۋعان قيىن-قىستاۋ كٷندە ولارمەن بٸرگە ەكەنٸمٸزدٸ جەتكٸزدٸم. بۇل - "تەرروريزم" ەرەكەتٸنٸڭ شەكارا دەگەندٸ بٸلمەيتٸندٸگٸن كٶرسەتەدٸ. ول كەز كەلگەن ۋاقىتتا, كەز كەلگەن جەردە بولۋى مٷمكٸن», - دەدٸ نازارباەۆ.
ايتا كەتەيٸك, 3 سەۋٸر كٷنٸ مەترودا بولعان تەراكت كەزٸندە 14 ادام مەرت بولدى. سونىڭ ٸشٸندە الدىن الا بولجانىپ وتىرعان جانكەشتٸ دە بار. 50-دەن استام ادام زارداپ شەكتٸ.
