مەملەكەت باسشىسىنىڭ تٶراعالىعىمەن قاۋٸپسٸزدٸك كەڭەسٸنٸڭ وتىرىسى ٶتتٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
وتىرىستى اشقان نۇرسۇلتان نازارباەۆ ەسكەري جاتتىعۋ بارىسىندا قازا تاپقان 7 ەسكەري قىزمەتكەردٸڭ تۋىستارى مەن جاقىندارىنا بارشا قازاقستان حالقىنىڭ جەنە جەكە ٶزٸنٸڭ اتىنان كٶڭٸل ايتتى.
– جامبىل وبلىسىندا قار كٶشكٸنٸ سالدارىنان بولعان قايعىلى وقيعا تۋرالى حاباردى زور كٷيزەلٸسپەن قابىلدادىم. ولاردىڭ ەرقايسىسى ەلٸنٸڭ ناعىز پاتريوتى بولىپ, ٶز ەسكەري مٸندەتٸن سوڭىنا دەيٸن اتقاردى. قورعانىس مينيسترلٸگٸنە قازا تاپقان ساربازداردىڭ وتباسىلارىنىڭ بەرٸنە جان-جاقتى كٶمەك پەن قولداۋ كٶرسەتۋدٸ تاپسىرامىن. مەملەكەتتٸك كوميسسييا بولعان وقيعانىڭ سەبەپتەرٸن انىقتاۋدا. مۇنداي قايعىلى جاعداي بولاشاقتا قايتالانباۋ ٷشٸن بارلىق قاجەتتٸ شارالاردى قابىلدايمىز, – دەدٸ قازاقستان پرەزيدەنتٸ.
قاۋٸپسٸزدٸك كەڭەسٸنٸڭ كٷن تەرتٸبٸنە مىناداي مەسەلەلەر شىعارىلدى:
– قازاقستان رەسپۋبليكاسى ۇلتتىق قاۋٸپسٸزدٸگٸنٸڭ 2012-2016 جىلدارعا ارنالعان ستراتەگيياسىنىڭ ٸسكە اسىرىلۋ قورىتىندىلارى, ستراتەگييادا بەلگٸلەنگەن الداعى كەزەڭگە ارنالعان نەگٸزگٸ قادامداردىڭ تانىستىرىلىمى;
– ەسكەري-تەحنيكالىق ساياساتتىڭ بٸرقاتار اسپەكتٸسٸ;
– «ەكسپو-2017» حالىقارالىق كٶرمەسٸنە دايىندىق جەنە ونى ٶتكٸزۋ كەزٸندە قوعامدىق قاۋٸپسٸزدٸكتٸ قامتاماسىز ەتۋ شارالارى.
ەلباسى قۇزىرەتتٸ مەملەكەتتٸك ورگانداردىڭ كٷش-جٸگەرٸ ارقاسىندا ٶتكەن كەزەڭدە قازاقستاندا سىرتقى قاۋٸپسٸزدٸك پەن ٸشكٸ ساياسي تۇراقتىلىق قامتاماسىز ەتٸلگەنٸن اتاپ ٶتتٸ.
– ەلەمدٸك ەكونوميكاداعى داعدارىس جاعدايىنا, وتاندىق ەكونوميكانىڭ قيىنشىلىقتارىنا قاراماستان ماكروەكونوميكالىق كٶرسەتكٸشتەردٸ تيٸمدٸ دەڭگەيدە ۇستاپ تۇرا الدىق. ٸشكٸ, ٶڭٸرلٸك جەنە جاھاندىق ٷدەرٸستەرگە قاتىستى جٷرگٸزٸلگەن تالداۋ الداعى كەزەڭدەگٸ ەلٸمٸزدٸڭ ۇلتتىق قاۋٸپسٸزدٸگٸنە تٶنۋٸ ىقتيمال سىن-قاتەرلەر مەن قاۋٸپتەردٸ انىقتاۋعا مٷمكٸندٸك بەردٸ. قازٸر ەلٸمٸزدە قازاقستان حالقىنا جولداۋدا كٶرسەتٸلگەن ماقساتتار مەن مٸندەتتەر, ۇسىنىلعان ساياسي جەنە كونستيتۋتسييالىق رەفورمالار تالقىلانۋدا. جالپى, ولاردىڭ دەنٸ رەسپۋبليكا تۇرعىندارىنىڭ قولداۋىنا يە بولىپ وتىر, – دەدٸ مەملەكەت باسشىسى.
سونداي-اق, قازاقستان پرەزيدەنتٸ قازٸرگٸ كەزدە قاۋٸپتٸلٸگٸ ٶزەكتٸ بولىپ وتىرعان ەكسترەميستٸك جەنە تەرروريستٸك ەرەكەتتەرگە قارسى تۇرۋ ەڭ ەۋەلگٸ مٸندەت بولىپ تابىلاتىنىن ايتتى.
– جاڭا ستراتەگييادا اتالعان قىزمەت باعىتتارىنىڭ ەرقايسىسى بويىنشا تيٸستٸ قۇرىلىمداردىڭ ەرەكەت ەتۋ شارالارى قاراستىرىلعان, – دەپ تٷيٸندەدٸ نۇرسۇلتان نازارباەۆ.
بۇدان بٶلەك, مەملەكەت باسشىسى مەملەكەتتٸك ورگاندارعا باسقا دا سالالار مەن باعىتتارعا قاتىستى ۇلتتىق قاۋٸپسٸزدٸكتٸ قامتاماسىز ەتۋ جٶنٸندە بٸرقاتار مٸندەت قويدى.
