مەديتسينالىق-سانيتارلىق العاشقى كٶمەك بويىنشا جاڭا استانا دەكلاراتسيياسىن قابىلداۋ - بٷكٸل ەلەمدەگٸ دەنساۋلىق ساقتاۋ سالاسى ٷشٸن ماڭىزدى كەزەڭ بولارى انىق. ەلوردادا ٶتٸپ جاتقان مەديتسينالىق-سانيتارلىق العاشقى كٶمەك جٶنٸندەگٸ جاھاندىق كونفەرەنتسيياعا جولداعان ۆيدەوجولداۋىندا قازاقستان پرەزيدەنتٸ نۇرسۇلتان نازارباەۆ وسىلاي مەلٸمدەدٸ, دەپ حابارلايدى قازاقپارات تٸلشٸسٸ.
«وسىدان 40 جىل بۇرىن ەلەم جۇرتشىلىعى الماتى قالاسىنا جينالىپ, وندا دٷنيەجٷزٸلٸك دەنساۋلىق ساقتاۋ ۇيىمىنا مٷشە مەملەكەتتەر العاشقى مەديتسينالىق-سانيتارلىق كٶمەك جٶنٸندەگٸ الماتى دەكلاراتسيياسىن قابىلدادى. اتالعان تاريحي قۇجات كٶپتەگەن مەملەكەتتەردٸڭ جوو-لارىنىڭ وقۋلىقتارىنا ەنگٸزٸلدٸ. 1978 جىلى ددۇ دەكلاراتسيياسىنا قول قويىلۋى - حالىقارالىق كٷش-جٸگەردٸ جۇمىلدىرۋدا تيٸمدٸلٸكتٸڭ جارقىن ٷلگٸسٸن كٶرسەتٸپ بەردٸ. وندا العاشقى مەديتسينالىق-سانيتارلىق كٶمەكتٸڭ بازالىق قاعيداتتارى ايقىندالدى. ولار - حالىقتىڭ سانيتارلىق باعىتتا اقپاراتتاندىرۋ, انا مەن بالانىڭ دەنساۋلىعىن قورعاۋ, اۋرۋلاردىڭ الدىن الۋ, ونىڭ ٸشٸندە ۆاكتسيناتسييا مەن دەرٸ-دەرمەكتەرمەن قامتاماسىز ەتۋ سەكٸلدٸ ماڭىزدى قاعيداتتار. ودان بەرٸ ەلەمنٸڭ دەنساۋلىق ساقتاۋ باعىتى وسى نەگٸزگٸ باعىتتار بويىنشا دامىپ كەلە جاتىر», - دەدٸ نۇرسۇلتان نازارباەۆ جاھاندىق كونفەرەنتسيياعا جولداعان ٶزٸنٸڭ ۆيدەجولداۋىندا.
قازاقستان پرەزيدەنتتٸنٸڭ ايتۋىنشا قازٸرگٸ تاڭدا ادامزات جاڭا سىن-تەگەۋرٸندەردٸڭ الدىندا تۇر.
«قورشاعان ورتانىڭ بۇزىلۋى, ٶمٸرلٸك قوزعالىستىڭ ازايۋى, دۇرىس تاماقتانباۋ - سوزىلمالى اۋرۋلاردىڭ ارتۋىنا الىپ كەلدٸ. ٶز كەزەگٸندە حالىقتىڭ اۋرۋ-سىرقاتتارعا شالدىعۋى ەلەۋمەتتٸك قامتاماسىز ەتۋ سالاسىنا تٷسەتٸن جٷكتەمەدەن اسىپ كەتتٸ. قازٸرگٸ كەزەڭدە دەنساۋلىق ساقتاۋ سالاسىن قارجىلاندىرۋ مەن مەديتسينالىق جاعدايدى قامتاماسىز ەتۋ باسا ماڭىزعا يە بولىپ كەلەدٸ. بۇل تاقىرىپتار بۇۇ باس اسسابلەياسىنىڭ وتىرىسىندا 2019 جىلى تالقىلاناتىن بولادى», - دەدٸ ەلباسى.
نۇرسۇلتان نازارباەۆ ٶز سٶزٸندە تەحنولوگييالىق رەۆاليۋتسييانىڭ قازٸرگٸ كەزەڭدەگٸ دامۋى ادامزاتتىڭ الدىنا جاڭا مٷمكٸندٸكتەردٸ اشىپ وتىرعانىن اتاپ ٶتتٸ.
«بٷگٸنگٸ كٷنٸ بٷكٸل ەلەمدەگٸدەي قازاقستاندا بەلسەندٸ تٷردە تسيفرلىق ٶزگەرٸستەر جٷرگٸزٸلٸپ جاتىر. ودان دەنساۋلىق ساقتاۋ سالاسى دا قالىس قالمايدى. حالىقتىڭ دەنساۋلىعىن قامتاماسىز ەتۋ - ۇلتتىڭ ەل-اۋقاتىنىڭ ٶسٸمٸنٸڭ نەگٸزٸ بولىپ تابىلادى. بارلىق مەملەكەتتٸڭ باسشىلارىن بۇل باعىتتى مەملەكەتتٸك ساياساتتىڭ باستى باسىمدىعى رەتٸندە ايقىنداپ الۋعا شاقىرامىن. مەديتسينالىق-سانيتارلىق العاشقى كٶمەك بويىنشا جاڭا استانا دەكلاراتسيياسىن قابىلداۋ - بٷكٸل ەلەمدەگٸ دەنساۋلىق ساقتاۋ سالاسى ٷشٸن ماڭىزدى كەزەڭ بولارى انىق. بۇل باعدارلامالىق قۇجات جاھاندىق دەڭگەيدە ٶمٸر ساپاسىن ارتتىرۋعا, ادامداردىڭ دەنساۋلىعىن جاقسارتۋعا ٷلەس قوسارىنا سەنٸمدٸمٸن», - دەدٸ قازاقستان پرەزيدەنتٸ.
ەسكە سالا كەتسەك, ەلوردادا بٷگٸن مەديتسينالىق-سانيتارلىق العاشقى كٶمەك جٶنٸندەگٸ جاھاندىق كونفەرەنتسييا ٶتٸپ جاتىر. جيىندا دەنساۋلىق ساقتاۋ مينيسترٸ ەلجان بٸرتانوۆ جاڭا استانا دەكلاراتسيياسى قابىلداناتىنىن جەتكٸزگەن ەدٸ.
