قر پرەزيدەنتٸ نۇرسۇلتان نازارباەۆ ەلوردادا باستالعان اەف فورۋمىندا ەلەمدەگٸ گەوساياسي جاعدايعا, بايلار مەن كەدەيلەر اراسىنداعى تابىس ايىرماشىلىعىنا توقتالدى, دەپ حابارلايدى Sputnik قازاقستان تٸلشٸسٸ.
"گەوساياسي شيەلەنٸس, ٶزارا سانكتسييالار, دسۇ ەرەجەلەرٸنە قاراماستان, ٸرٸ ويىنشىلار اراسىنداعى ساۋدا قارىم-قاتىناستارىنىڭ قايتا قارالۋى – مۇنىڭ بارلىعى مەملەكەتتەردٸڭ ٶز كٶشباسشىلىعىن ساقتاپ قالۋعا تالپىنىسى. اۋتسايدەر-ەلدەردٸڭ پروبلەمالارى دامىعان ەلدەردٸڭ تىنىشتىعىنا قاۋٸپ-قاتەر تٶندٸرەدٸ. مۇنى ەستەن شىعارماعان دۇرىس دەپ سانايمىن. بۇل ميگراتسييا, ەكسترەميزم, تەرروريزم, ەكولوگييالىق اپاتتار ارقىلى بولادى", — دەدٸ ەلباسى.
پرەزيدەنت وسى ورايدا ٷٸمەتتٸڭ باستى جۇمىسىنىڭ بٸرٸ – بايلار مەن كەدەيلەر اراسىنداعى تابىس ايىرماشىلىعىن ازايتۋ ەكەنٸن اتاپ ٶتتٸ.
"سوڭعى جىلدارداعى ماكروەكونوميكا ديناميكاسىنا كٶز سالساق, وندا سىرتتاي پوزيتيۆتٸ كارتينانى بايقاۋعا بولادى. حۆق باعالاۋى بويىنشا, ٸشكٸ جالپى ٶنٸم ٶسٸمٸنٸڭ قارقىنى ٶتكەن جىلعى 3,7%-تەن بيىل 3,9%-عا دەيٸن ٶستٸ. ٶسٸمنٸڭ جىلدامداۋى شامامەن 120 ەلدە بايقالادى. الايدا التى مەملەكەتتٸڭ بٸرەۋٸندە عانا حالىق تابىسىنىڭ تەڭسٸزدٸگٸ تٶمەندەپ جاتىر. سوندىقتان بۇل ورايدا بٸراز سۇراقتار تۋىندايدى. بٷگٸندە ەلەمنٸڭ 62 باي ادامىنىڭ اكتيۆتەرٸ ادامزاتتىڭ كەدەي بٶلٸگٸنٸڭ دەۋلەتٸمەن, ياعني 3,5 ملرد ادامنىڭ اۋقاتىمەن تەڭەسكەن. ال بٸرقاتار حالىقارالىق ساراپشىنىڭ دەرەگٸنشە, بىلتىر جينالعان دەۋلەتتٸڭ 80 پروتسەنتتەن استامى حالىقتىڭ 1 پروتسەنتٸنە عانا تيەسٸلٸ", — دەدٸ نازارباەۆ.
مەملەكەت باسشىسى تەحنولوگييالىق رەۆوليۋتسييا حالىقتىڭ تۇرمىسىن جاقسارتىپ, ٶمٸر ساپاسىن ارتتىرۋدىڭ ورنىنا, كەرٸسٸنشە, تەڭسٸزدٸكتٸ كٷشەيتٸپ وتىرعانىن ايتتى.
"وسى سىن-قاتەرلەردٸ ەڭسەرۋ ٷشٸن مەملەكەتتەر اراسىندا بٸلٸم الماسۋدىڭ جاڭا تيٸمدٸ تەتٸكتەرٸن قۇرۋ قاجەتتٸلٸگٸ تۋدى. ٶزٸم تالاي رەت قاتىسقان G7, G20 بٸزدٸڭ ويىمىزشا, ەلەمنٸڭ جاھاندىق پٸكٸرٸن قامتىمايدى", — دەدٸ ەلباسى.
