مەملەكەت باسشىسى فينلياندييا رەسپۋبليكاسىنا رەسمي ساپارىنىڭ قورىتىندىسى بويىنشا بۇقارالىق اقپارات قۇرالدارىنىڭ ٶكٸلدەرٸ ٷشٸن بريفينگ ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان پرەزيدەنتٸ جۋرناليستەر الدىندا سٶيلەگەن سٶزٸندە قوناقجايلىق كٶرسەتكەنٸ ٷشٸن فينلياندييا پرەزيدەنتٸنە ريزاشىلىق بٸلدٸرٸپ, ەكٸ جاقتى ىنتىماقتاستىقتىڭ 26 جىلى ٸشٸندە مەملەكەتتەر اراسىنداعى قارىم-قاتىناستار سەرٸكتەستٸكتٸڭ جوعارى دەڭگەيٸنە جەتكەنٸن اتاپ ٶتتٸ.
– بٷگٸن بٸز ەكٸ جاقتى جەنە كٶپ جاقتى فورماتتاعى ىنتىماقتاستىقتىڭ احۋالى مەن كەلەشەگٸن ەگجەي-تەگجەيلٸ ەرٸ ٶزارا سەنٸم جاعدايىندا تالقىلادىق. قازاقستان مەن فينلياندييا ٶڭٸرلٸك جەنە حالىقارالىق ساياساتتىڭ مەيلٸنشە ٶزەكتٸ مەسەلەلەرٸن شەشۋگە قاتىستى ورتاق قاعيداتتار مەن ەدٸستەردٸ ۇستانادى, – دەدٸ نۇرسۇلتان نازارباەۆ.
مەملەكەت باسشىسى فينلياندييانىڭ الداعى ۋاقىتتا ەۋروپا وداعىنا تٶراعالىق ەتەتٸنٸنە بايلانىستى, فين تاراپىنىڭ قازاقستان مەن ەۋروپا وداعى اراسىنداعى كەڭەيتٸلگەن سەرٸكتەستٸك پەن ىنتىماقتاستىق تۋرالى كەلٸسٸم اياسىنداعى ديالوگتى تەرەڭدەتۋگە بەلسەندٸ ىقپال ەتەتٸنٸنە سەنٸم بٸلدٸردٸ.
نۇرسۇلتان نازارباەۆ قازاقستان – فينلياندييا ىنتىماقتاستىعىنىڭ تابىستىلىعى مەن زور ەلەۋەتٸن اتاپ ٶتٸپ, ونى جٷزەگە اسىرۋ ٷشٸن بارلىق جاعداي جاسالعانىن ايتتى.
– ەلدەرٸمٸز اراسىندا جوعارى دەڭگەيدەگٸ ساياسي ديالوگ تۇراقتى تٷردە ٶتكٸزٸلٸپ كەلەدٸ. قولايلى ٸسكەرلٸك احۋال قالىپتاسۋدا. ٶزارا ٸس-قيمىلدىڭ شارتتىق-قۇقىقتىق جەنە ينستيتۋتسيونالدىق بازاسى نىعايۋدا. سونداي-اق, تٸكەلەي ەۋە قاتىناسى ورناعان. وسى مٷمكٸندٸكتەردٸڭ بەرٸن تولىق پايدالانۋ كەرەك, – دەدٸ قازاقستان پرەزيدەنتٸ.
مەملەكەت باسشىسى جٷرگٸزٸلگەن كەلٸسسٶزدەردٸڭ نەتيجەلەرٸنە ارنايى توقتالىپ, فينلياندييالىق سەرٸكتەستەرٸمٸز ەكٸ جاقتى ەكونوميكالىق بايلانىستاردى دامىتۋعا مٷددەلٸلٸك تانىتىپ وتىرعانىن اتاپ ٶتتٸ.
– بٸز قازاقستان مەن فينلياندييا اراسىنداعى ساۋدا-ەكونوميكالىق ىنتىماقتاستىق جٶنٸندەگٸ ٷكٸمەتارالىق كوميسسييانىڭ تيٸمدٸلٸگٸن ارتتىرۋعا, سونداي-اق ەنەرگەتيكا, كٶلٸك, اۋىل شارۋاشىلىعى جەنە بٸلٸم بەرۋ سالالارىندا قۇرىلعان جۇمىس توپتارىنىڭ قىزمەتٸن جانداندىرۋعا ۋاعدالاستىق. سونىمەن قاتار, بٸز فين كاپيتالى مەن تەحنولوگيياسىن قازاقستان ەكونوميكاسىن جاڭعىرتۋ جٶنٸندەگٸ جوبالارعا تارتۋدىڭ جاڭا مٷمكٸندٸكتەرٸن تالقىلادىق, – دەدٸ نۇرسۇلتان نازارباەۆ.
مەملەكەت باسشىسى قازاقستان ٶڭٸرلەرٸنە فينلياندييانىڭ «جاسىل» ەكونوميكاداعى ٷزدٸك تەجٸريبەلەرٸن ەنگٸزۋ جٶنٸندەگٸ جوسپارلارىنا توقتالىپ, تاراپتار قايتا ٶڭدەۋ سالاسىن, يننوۆاتسييالىق جەنە عىلىمدى قامتيتىن كەسٸپورىنداردى, سونداي-اق ەكسپورتقا ارنالعان ٶندٸرٸستٸ ىنتىماقتاستىقتىڭ باسىم باعىتى رەتٸندە بەلگٸلەيتٸنٸن اتاپ ٶتتٸ.
نۇرسۇلتان نازارباەۆ قازاقستاننىڭ گەوگرافييالىق جاعدايىنىڭ ارتىقشىلىقتارى جٶنٸندە ايتىپ, سۋوميدٸڭ ەكسپورتتىق ەلەۋەتٸن كٷشەيتۋ جەنە فين ەكونوميكاسىنىڭ بەسەكەگە قابٸلەتتٸگٸن ارتتىرۋ جولىنداعى جاڭا مٷمكٸندٸكتەرگە نازار اۋداردى.
– قازاقستان مەن فينلياندييانىڭ لوگيستيكالىق كومپانييالارىنىڭ قاتىسۋىمەن ەكٸ تەمٸر جول باعىتىنىڭ ٸسكە قوسىلۋى ەلدەرٸمٸز اراسىندا كٶلٸك-ترانزيت اليانسىن قۇرۋعا جول اشادى, – دەدٸ مەملەكەت باسشىسى.
سونىمەن قاتار, قازاقستان پرەزيدەنتٸ بريفينگكە قاتىسىپ وتىرعان جۋرناليستەرگە فينلياندييانىڭ بيزنەس ٶكٸلدەرٸمەن ٶتكەن كەزدەسۋ جٶنٸندە ايتىپ, ەكٸ ەل اراسىنداعى ىنتىماقتاستىققا سەرپٸن بەرەتٸن جاڭا بيزنەس جوبالارعا توقتالدى.
سوڭىندا نۇرسۇلتان نازارباەۆ كەلٸسسٶزدەر قورىتىندىسىنا جوعارى باعا بەرٸپ, بۇل ساپار حالىقتارىمىزدىڭ يگٸلٸگٸ ٷشٸن سەرٸكتەستٸگٸمٸزدٸ ودان ەرٸ نىعايتىپ, كەڭەيتە تٷسەتٸنٸنە سەنٸم بٸلدٸردٸ.
***
ساپار قورىتىندىسى بويىنشا مىناداي قۇجاتتارعا قول قويىلدى:
1. قازاقستان رەسپۋبليكاسىنىڭ ەنەرگەتيكا مينيسترلٸگٸ مەن فينلياندييا رەسپۋبليكاسىنىڭ ەكونوميكالىق مەسەلەلەر جەنە جۇمىسپەن قامتۋ مينيسترلٸگٸ جەنە فينلياندييا رەسپۋبليكاسىنىڭ قورشاعان ورتانى قورعاۋ مينيسترلٸگٸ اراسىنداعى ەنەرگييا جەنە «جاسىل» ەكونوميكا سالاسىنداعى ستراتەگييالىق سەرٸكتەستٸك جٶنٸندەگٸ ٶزارا تٷسٸنٸستٸك تۋرالى مەموراندۋم;
2. قازاقستان رەسپۋبليكاسىنىڭ ينۆەستيتسييالار جەنە دامۋ مينيسترلٸگٸ مەن فينلياندييا رەسپۋبليكاسىنىڭ كٶلٸك جەنە كوممۋنيكاتسييالار مينيسترلٸگٸ اراسىنداعى ٶزارا تٷسٸنٸستٸك تۋرالى مەموراندۋم.
