نۇرسۇلتان نازارباەۆ ەستونييا رەسپۋبليكاسىنىڭ پرەمەر-مينيسترٸ يۋري راتاسپەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا تاراپتار ەكٸ مەملەكەتتٸڭ تسيفرلاندىرۋ جەنە يننوۆاتسييالىق تەحنولوگييالار سالاسىنداعى ىنتىماقتاستىعىن نىعايتۋ پەرسپەكتيۆالارىن تالقىلادى, سونداي-اق ساۋدا-ەكونوميكا قارىم-قاتىناستارىن دامىتۋ مەسەلەلەرٸ جٶنٸندە پٸكٸر الماستى.
مەملەكەت باسشىسى «استانا حاب» ٸت-ستارتاپتار حالىقارالىق تەحنولوگييالىق پاركٸنٸڭ اشىلۋ رەسٸمٸنە قاتىسقانى ٷشٸن ەستونييا رەسپۋبليكاسىنىڭ پرەمەر-مينيسترٸنە ريزاشىلىق بٸلدٸردٸ.
قازاقستان پرەزيدەنتٸ ەستونييانىڭ تسيفرلىق تەحنولوگييالار سالاسىنداعى تەجٸريبەسٸ مول ەكەنٸن اتاپ ٶتتٸ.
نۇرسۇلتان نازارباەۆ ەكٸ ەل اراسىنداعى ساۋدا بايلانىستارىن نىعايتۋ قاجەتتٸگٸن ايتىپ, ەكونوميكالىق ىنتىماقتاستىقتى دامىتۋدىڭ باسىم باعىتتارىنا توقتالدى. مەملەكەت باسشىسى ەلٸمٸزدە ٸسكە اسىرىلىپ جاتقان ينفراقۇرىلىمدىق باعدارلامالار مەن سولاردىڭ اياسىندا بوي كٶتەرٸپ كەلە جاتقان نىساندار جەنە كٶلٸك-ترانزيت ەلەۋەتٸن ارتتىرۋ جٶنٸندەگٸ جوبالاردىڭ نەتيجەلەرٸ تۋرالى ايتتى.
سونىمەن قاتار, مەملەكەت باسشىسى قايتا ٶڭدەۋ جەنە اگرارلىق ٶنەركەسٸپ, فارماتسەۆتيكا سالالارىندا جەنە ەكونوميكانىڭ باسقا دا سەكتورلارىندا ىنتىماقتاستىقتى بٸر جولعا قويۋدىڭ ماڭىزدى ەكەنٸن اتاپ ٶتتٸ.
ەستونييا رەسپۋبليكاسىنىڭ پرەمەر-مينيسترٸ قوناقجايلىق كٶرسەتكەنٸ ٷشٸن قازاقستان پرەزيدەنتٸنە العىس ايتىپ, ٶزٸنٸڭ استاناعا العاشقى ساپارىنان العان ەسەرٸن ورتاعا سالدى.
– كەشە پرەمەر-مينيستر باقىتجان ساعىنتاەۆپەن سىندارلى كەلٸسسٶز جٷرگٸزدٸك. مەن قازاقستانعا العاش رەت كەلٸپ وتىرمىن. استانانىڭ ينفراقۇرىلىمدىق نىساندارىنا قاراپ, ەلدەرٸڭٸزدٸڭ قالاي دامىپ كەلە جاتقانىن كٶرۋگە بولادى, – دەدٸ يۋ.راتاس.
ەستونييا رەسپۋبليكاسىنىڭ پرەمەر-مينيسترٸ تسيفرلاندىرۋ جەنە كٶلٸك-لوگيستيكا سالالارىندا بٸرلەسكەن جوبالاردى ٸسكە اسىرۋعا, سونداي-اق ينۆەستيتسييالىق ىنتىماقتاستىقتى كەڭەيتۋگە مٷددەلٸلٸك تانىتتى.
