"قازاقستان پرەزيدەنتٸ نۇرسۇلتان نازارباەۆ قازاقستاندىق جۋرناليستەرمەن ٶتكەن بريفينگتە G20 سامميتٸ تۋرالى ٶز ەسەرلەرٸمەن بٶلٸستٸ", - دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«مەن سانكت-پەتەربورداعى سامميتتەن كەيٸن, تٶراعا سي تسزينپيننٸڭ شاقىرۋىمەن G20 سامميتٸنە ەكٸنشٸ رەت قاتىسىپ وتىرمىن. ەلەم ەكونوميكاسىنىڭ جارتىسىنىڭ, دٷنيەجٷزٸ حالقىنىڭ 70%-نىڭ اتىنان كەلگەن مەملەكەت باسشىلارى قاتىسقان مۇنداي ٸرٸ شاراعا قاتىسۋ - قازاقستان ٷشٸن ٷلكەن مەرتەبە. مۇندا جاھاندىق ەكونوميكانىڭ, جاھاندىق ساياساتتىڭ ٶزەكتٸ مەسەلەلەرٸ تالقىلانادى, قاۋٸپسٸزدٸك مەسەلەلەرٸ بويىنشا ەلەمدٸك, ايماقتىق ٸستەر بويىنشا ورتاق پوزيتسييا جاسالادى», - دەدٸ مەملەكەت باسشىسى.
ن.نازارباەۆ سامميتتٸڭ بٸرٸنشٸ سەسسيياسىندا زاماناۋي جاھاندىق مەسەلەلەر بويىنشا قازاقستان بولجاۋلارىن تانىستىرعانىن اتاپ ٶتتٸ.
ونىڭ ايتۋىنشا, تەڭدەستٸرٸلگەن جاھاندىق ەكونوميكادا اقش نىق سەنٸممەن تۇرسا, ەۋروپا ەلدەرٸ مەن دامۋشى ەلدەر ەكونوميكالىق مەسەلەلەرگە الاڭداۋشىلىق بٸلدٸرۋدە.
«دامۋشى ەلدەردٸ اۋقىمدى جۇمىسسىزدىق الاڭداتۋدا. عىلىمي-تەحنيكالىق پروگرەسس پەن تەحنولوگييانىڭ دامۋعا بايلانىستى ادامداردىڭ كٶپشٸلٸگٸ قىسقارتۋعا ۇشىرادى (...) مۇنىڭ بەرٸن قازاقستان ەسكەرٸپ, ويعا تٷيٸپ, الدىن الا شارالار قولدانۋى تيٸس. ياعني, ورتاق شەشٸم مىناۋ: قازاقستاندى يندۋسترييالاندىرۋ, مۇنداي قيىن كەزەڭدەگٸ بٸزدٸڭ مەملەكەتتٸك ينۆەستيتسييالارعا قاتىستى باعدارلامالارىمىز ٶتە دۇرىس. جۇمىسسىزدىقتىڭ تٶمەن دەڭگەيٸن ساقتاپ تۇرۋ, جاڭا جۇمىس ورىندارىن اشۋ جەنە داعدارىسپەن كٷرەستەن ەكونوميكالىق ٶسۋگە بەت الۋ كەرەك. دەل وسى مەسەلەنٸ 9 قىركٷيەكتە ٷكٸمەتتٸڭ كەڭەيتٸلگەن وتىرىسىندا تالقىلايمىز», - دەدٸ ن.نازارباەۆ.
ەسكە سالساق, 1 قىركٷيەكتە ن. نازارباەۆ قحر تٶراعاسى سي تسزينپيننٸڭ شاقىرتۋىمەن G20 سامميتٸنە قاتىسۋ ٷشٸن قىتايعا كەلدٸ. بٸرٸنشٸ سەسسييادا مەملەكەت باسشىسى جاھاندىق ەكونوميكا مەسەلەلەرٸن شەشۋ جولدارى تۋرالى ٶز بولجامدارىن ايتتى.
