"Qazaqstan Prezidenti Nursultan Nazarbaev qazaqstandyq jýrnalistermen ótken brifingte G20 sammiti týraly óz áserlerimen bólisti", - dep habarlaidy Ult.kz tilshisi QazAqparat agenttigine silteme jasap.
«Men Sankt-Peterbordaǵy sammitten keiin, Tóraǵa Si Tszinpinniń shaqyrýymen G20 sammitine ekinshi ret qatysyp otyrmyn. Álem ekonomikasynyń jartysynyń, dúniejúzi halqynyń 70%-nyń atynan kelgen memleket basshylary qatysqan mundai iri sharaǵa qatysý - Qazaqstan úshin úlken mártebe. Munda jahandyq ekonomikanyń, jahandyq saiasattyń ózekti máseleleri talqylanady, qaýipsizdik máseleleri boiynsha álemdik, aimaqtyq ister boiynsha ortaq pozitsiia jasalady», - dedi Memleket basshysy.
N.Nazarbaev sammittiń birinshi sessiiasynda zamanaýi jahandyq máseleler boiynsha Qazaqstan boljaýlaryn tanystyrǵanyn atap ótti.
Onyń aitýynsha, teńdestirilgen jahandyq ekonomikada AQSh nyq senimmen tursa, Eýropa elderi men damýshy elder ekonomikalyq máselelerge alańdaýshylyq bildirýde.
«Damýshy elderdi aýqymdy jumyssyzdyq alańdatýda. Ǵylymi-tehnikalyq progress pen tehnologiianyń damýǵa bailanysty adamdardyń kópshiligi qysqartýǵa ushyrady (...) Munyń bárin Qazaqstan eskerip, oiǵa túiip, aldyn ala sharalar qoldanýy tiis. Iaǵni, ortaq sheshim mynaý: Qazaqstandy indýstriialandyrý, mundai qiyn kezeńdegi bizdiń memlekettik investitsiialarǵa qatysty baǵdarlamalarymyz óte durys. Jumyssyzdyqtyń tómen deńgeiin saqtap turý, jańa jumys oryndaryn ashý jáne daǵdaryspen kúresten ekonomikalyq ósýge bet alý kerek. Dál osy máseleni 9 qyrkúiekte Úkimettiń keńeitilgen otyrysynda talqylaimyz», - dedi N.Nazarbaev.
Eske salsaq, 1 qyrkúiekte N. Nazarbaev QHR Tóraǵasy Si Tszinpinniń shaqyrtýymen G20 sammitine qatysý úshin Qytaiǵa keldi. Birinshi sessiiada Memleket basshysy jahandyq ekonomika máselelerin sheshý joldary týraly óz boljamdaryn aitty.
