قازاقستان ٶزٸنٸڭ الداعى جوسپارلارىن لايىقتى دەڭگەيدە ٸسكە اسىرۋعا قاۋقارلى. بۇل تۋرالى Global Challenges Summit 2018 فورۋمىندا قازاقستان پرەزيدەنتٸ نۇرسۇلتان نازارباەۆ مەلٸم ەتتٸ, دەپ حابارلايدى "ۇلت اقپارات".
«مەن ٶز سٶزٸمدە قازٸرگٸ اتقارىپ جاتقان جۇمىستارىمىز جايىندا, سونداي-اق كەڭەس وداعى ىدىراعاننان كەيٸن قالاي دامىعانىمىز تۋراسىندا اتاپ ٶتتٸم. كەڭەس وداعىندا 15 رەسپۋبليكا بولدى, سونىڭ اراسىندا قازاقستان 12-13-ٸنشٸ ورىنداردىڭ بٸرٸندە ەدٸ. رەسەيدەن كەيٸن ەكٸنشٸ ورىندا ۋكراينا تۇردى. الايدا, بٷگٸندە ەكونوميكا, دامۋ قارقىنى بويىنشا ەكٸنشٸ ورىندا قازاقستان تۇعىرلاندى. ەرينە, تيٸستٸ قيىندىقتار دا بار. بارلىعى قارقىندى دامىپ جاتىر, بٸز ۇزاق جىل وسى كٷنگە دايىندالدىق, وسى جولعا ۇمتىلدىق. بٸزدٸڭ التەرناتيۆتٸ يندۋسترييا قۇرۋ باعىتىنداعى جۇمىسىمىز, جاستاردى وقىتۋعا تالپىنىسىمىز, جوعارۋ وقۋ ورىندارىن اشۋىمىز – بارلىعى دا بٷگٸنگٸ كٷنگە ديىندىق بولدى. سوندىقتان چەرچيللدٸڭ سٶزٸمەن ايتساق, "پەسسيميست بەرٸنەن تەك جاماندى ٸزدەيدٸ, ال وپتيميست - جاقسىنى", مەن بٸز, قازاقستاندىقتار, وپتيميستپٸز دەپ سانايمىن», - دەپ توقتالدى ەلباسى.
مەملەكەت باسشىسى شيكٸزاتتىق رەسۋرستاردان ٶزگەشە بالامالى يندۋسترييانى قۇرۋ بويىنشا جۇمىستار, جاستاردى وقىتۋعا نەگٸزدەلگەن ۇمتىلىس, وسىعان سەيكەس جوو-لاردى قۇرۋ بويىنشا تالپىنىستىڭ بارلىعى بٷگٸنگٸ قارقىندى دامۋعا دايىندىق بولعانىن اتاپ ٶتتٸ.
«مەنٸڭ ويىمشا, قازاقستاندىقتار, ياعني بٸزدەر - وپتيميسپٸز. 20 جىل تولىپ وتىرعان بۇل جاڭا قالادا ميلليوننان استام ادام ٶمٸر سٷرۋدە. جالپى قازاقستانداعى سەكٸلدٸ وسى قالاداعى تۇرعىنداردىڭ ورتاشا جاسى - 32-دە. ياعني بٸز بولاشاققا ٷلكەن وپتيميزممەن قارايمىز», - دەدٸ ن. نازارباەۆ.
وسى ورايدا پرەزيدەنت قازاقستان ٶزٸنٸڭ جەر كٶلەمٸ بويىنشا ەلەمدە توعىزىنشى ورىندا ەكەنٸن ەسكە سالا كەلە, الايدا حالىق سانى مەن ەكونوميكا كٶلەمٸ اياسىندا ايتارلىقتاي اۋقىمدى ەمەستٸگٸن سٶز ەتتٸ.
«الايدا ورتالىق ازييادا بٸزدٸڭ ەكونوميكانىڭ كٶلەمٸ ٶزگە مەملەكەتتەردەن ارتىق. بٸز وسىمەن ماقتانامىز», - دەدٸ مەملەكەت باسشىسى.
سٶز سوڭىندا ەلباسى قازاقستاندا الداعى بەلەستەردٸ تابىستى ەڭسەرەتٸنٸن, وسى ورايدا ەلٸمٸز جاڭا تەحنولوگييالاردى يگەرگەن الپاۋىت مەملەكەتتەردٸڭ قاتارىندا بولۋعا قاۋقارلى ەكەندٸگٸن اتاپ ٶتتٸ.
