مەملەكەت باسشىسى پرەزيدەنت ەكٸمشٸلٸگٸنٸڭ باسشىلىق قۇرامىمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
ەلباسى كەزدەسۋ بارىسىندا ەدٸلبەك جاقسىبەكوۆكە پرەزيدەنت ەكٸمشٸلٸگٸنٸڭ باسشىسى لاۋازىمىندا جەنە باسقا دا مەملەكەتتٸك قىزمەتتەردە اتقارعان جۇمىسى ٷشٸن العىس ايتىپ, ونىڭ قازاقستان رەسپۋبليكاسى مەملەكەتتٸلٸگٸن قالىپتاستىرۋ جەنە دامىتۋ ٸسٸنە زور ٷلەس قوسقانىن ەرەكشە اتاپ ٶتتٸ.
– ۇزاق جىلداردان بەرٸ مەنٸمەن بٸرگە جۇمىس ٸستەپ كەلە جاتقان ەدٸلبەك رىسكەلدٸۇلىن جاقسى بٸلەسٸزدەر. ول ەلوردانىڭ العاشقى ەكٸمٸ بولدى, بارلىق لاۋازىمدى قىزمەتتەردە جاۋاپكەرشٸلٸكپەن ەرٸ ادال ەڭبەك ەتتٸ. وعان زور دەنساۋلىق پەن تابىس تٸلەيمٸن, – دەدٸ قازاقستان پرەزيدەنتٸ.
نۇرسۇلتان نازارباەۆ جيىنعا قاتىسۋشىلارعا پرەزيدەنت ەكٸمشٸلٸگٸنٸڭ جاڭا باسشىسى ەسەت يسەكەشەۆتٸ تانىستىردى.
– ەسەت ٶرەنتايۇلى مەنٸڭ كٶمەكشٸم بولدى, مينيستر, پرەمەر-مينيستردٸڭ ورىنباسارى قىزمەتتەرٸن اتقاردى. ول باس قالامىزدا جۇمىس ٸستەگەن سوڭعى ەكٸ جارىم جىل ٸشٸندە ەلوردالىقتاردىڭ جوعارى باعاسىنا يە بولدى. ول بەلسەندٸ ەرٸ كرەاتيۆتٸ ۇستانىممەن ەرەكشەلەنەدٸ. قازٸر بٸزگە دەل وسىنداي ادام كەرەك. يسەكەشەۆ ەلورداعا ەكٸم بولعان ۋاقىتتا بٸز «ەكسپو-2017» كٶرمەسٸن جەنە استانانىڭ 20 جىلدىعىن ابىرويمەن ٶتكٸزدٸك. ەسەت ٶرەنتايۇلى بۇل مٸندەتتٸ دە لايىقتى ورىنداي الاتىنىنا سەنٸمدٸمٸن, – دەدٸ مەملەكەت باسشىسى.
ەلباسى جيىن سوڭىندا ەلٸمٸزدٸڭ ەكونوميكالىق ٶسٸمٸن جەنە حالىقتىڭ ەل-اۋقاتىن ودان ەرٸ ارتتىرۋ ٸسٸندە پرەزيدەنت ەكٸمشٸلٸگٸنٸڭ باستى رٶل اتقاراتىنىن اتاپ ٶتٸپ, ونىڭ الداعى كەزەڭگە ارنالعان جۇمىستارىنىڭ نەگٸزگٸ باسىمدىقتارىن بەلگٸلەپ بەردٸ.
– اپپاراتتىڭ الدىندا بۇعان دەيٸن قابىلدانعان مەملەكەتتٸك باعدارلامالاردىڭ جٷزەگە اسىرىلۋىن جەنە ورىندالۋىن قامتاماسىز ەتۋ جٶنٸندەگٸ ماڭىزدى مٸندەت تۇر. بٷگٸندە جۇمىس اۋقىمى ٶڭٸرلٸك دەڭگەيگە اۋىسقانىن ەرەكشە اتاپ ٶتكٸم كەلەدٸ جەنە بارلىق دەڭگەيدەگٸ ەكٸمدەردٸڭ قىزمەتٸن تيٸمدٸ ٷيلەستٸرۋ, ولاردىڭ ٶزارا ىقپالداسا ەڭبەك ەتۋٸنە كٶمەكتەسۋ قاجەت, – دەدٸ نۇرسۇلتان نازارباەۆ.
