ومبى اۋرۋحاناسىنىڭ تراۆماتولوگييا جەنە ورتوپەدييا بٶلٸمٸنٸڭ جەتەكشٸسٸ رۋستام اگيشەۆ 63 جاسىندا قايتىس بولدى, رەسمي ورگاندار ونىڭ ينسۋلتتان قايتقانىن حابارلادى. بۇل تۋرالى "تايگا.ينفو" سايتى جازدى, دەپ حابارلايدى ازاتتىق.
دەل وسى اۋرۋحاناعا بىلتىر تامىز ايىندا الەكسەي ناۆالنىي ەسسٸز كٷيدە جەتكٸزٸلگەن. وپپوزيتسيونەردٸڭ جاقتاستارى اۋرۋحانا ەكٸمشٸلٸگٸ مەن كلينيكا قىزمەتكەرلەرٸ ناۆالنىيعا نە بولعانىن بٸلدٸ دەپ سانايدى. بٸراق "جوعارىدان كەلگەن بۇيرىققا باعىنىپ, جالعان دياگنوز قويدى جەنە ونىڭ "نوۆيچوك" توبىنا جاتاتىن قاۋٸپتٸ زاتپەن ۋلانعانىن جاسىرۋعا تىرىستى" دەپ ەسەپتەيدٸ.
اقپاراتقا قاراعاندا, اگيشەۆ №1 ومبى اۋرۋحاناسىندا 30 جىل قىزمەت ٸستەگەن. كلينيكا جەتەشٸسٸ ەۆگەنيي وسيپوۆ ونىڭ قازاسىن "مەديتسينا قاۋىمداستىعى ٷشٸن ورنى تولماس قازا" دەپ اتادى.
كەيٸنگٸ كەزدە اتالعان اۋرۋحانا باسشىلىعىنداعى ادامدار قاتارى سيرەي باستاعان. اقپان ايىنىڭ باسىندا كلينيكانىڭ باس دەرٸگەرٸنٸڭ ورىنباسارى 55 جاستاعى سەرگەي ماكسيميشين "جٷرەك اۋرۋىنان" قايتىس بولعان.
ونىڭ الدىندا باس دەرٸگەردٸڭ تاعى بٸر ورىنباسارى اناتوليي كالينيچەنكو قىزمەتٸنەن كەتكەن. جەكەمەنشٸك كلينيكاعا كەتكەن دەرٸگەر "ەكٸمشٸلٸك شارۋالاردان گٶرٸ حيرۋرگييانى كٶبٸرەك ۇناتاتىنىن" ايتقان.
كالينيچەنكو ناۆالنىيدى ەمدەۋ, گەرمانييا دەرٸگەرلەرٸمەن قارىم-قاتىناس ورناتۋ, باق-پەن بايلانىسقا جاۋاپ بەرگەن. كەيٸنٸرەك جۋرناليستەرگە اقپارات بەرۋ مٸندەتٸ مەكەمەنٸڭ باس دەرٸگەرٸ, "ەدينايا روسسييا" مٷشەسٸ الەكساندر مۋراحوۆسكييگە جٷكتەلدٸ. ول اقپارات قۇرالدارىنا ناۆالنىيدىڭ "زات الماسۋى بۇزىلعان" دەپ مەلٸمدەگەن. بۇعان قوسا, مۋراحوۆسكيي ەكٸ كٷن بويى ساياساتكەردٸ بەرلينگە جٸبەرۋگە قارسى بولعان. كەيٸنٸرەك مۋراحوۆسكيي ايماقتىق دەنساۋلىق ساقتاۋ مينيسترلٸگٸنٸڭ جەتەكشٸسٸ بولىپ تاعايىندالدى.
الەكسەي ناۆالنىي بىلتىر 20 تامىزدا تومسكٸدەن مەسكەۋگە ۇشىپ بارا جاتقاندا كەنەتتەن جاعدايى ناشارلاپ, كوماعا تٷسكەن. ول بٸردەن ومبىداعى №1 جەدەل جەردەم اۋرۋحاناسىنا جەتكٸزٸلگەن. ەكٸ كٷننەن سوڭ گەرمانيياعا ەۆاكۋاتسييالانعان. ساياساتكەر سول جاقتا ەسٸن جيىپ, 5 اي ەمدەلدٸ. ەۋروپاداعى زەرتحانالار ساياساتكەردٸڭ اعزاسىنان سوۆەت كەزٸنەن بەرٸ بار ادامنىڭ جٷيكە جٷيەسٸن سال قىلاتىن "نوۆيچوك" توبىنا جاتاتىن قاۋٸپتٸ زاتتىڭ قالدىقتارىن تاپتى. ال رەسەيلٸك دەرٸگەرلەر ساياساتكەردٸڭ اعزاسىنان ۋ قالدىقتارى تابىلمادى دەپ مەلٸمدەدٸ.
ارنايى زەرتتەۋ جٷرگٸزگەن ۆellingcat توبى وپپوزيتسيونەردٸ ۋلاۋعا رەسەي فسب قىزمەتكەرلەرٸ قاتىستى دەپ تۇجىرىم جاسادى. الەكسەي ناۆالنىيدىڭ ٶزٸ قاستاندىقتىڭ ارتىندا رەسەي پرەزيدەنتٸ ۆلاديمير پۋتين تۇر دەپ ەسەپتەيدٸ. كرەمل بارلىق ايىپتاردى جوققا شىعارادى.
