ٷكٸمەت باسشىسىنىڭ ورىنباسارى, اۋىل شارۋاشىلعى مينيسترٸ اسقار مىرزاحمەتوۆ قر پارلامەنت سەناتىنىڭ تٶراعاسى قاسىم-جومارت توقاەۆتىڭ سىنىنا جاۋاپ بەردٸ, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
مۇنىڭ الدىندا قاسىم-جومارت توقاەۆ اسقار مىرزاحمەتوۆتى اۋىل شارۋاشىلىعىن دامىتۋ ٷشٸن بەلسەندٸ شەشٸمدەر قابىلداۋعا شاقىرعان بولاتىن.
"ەر مينيستر كەلٸپ, جاڭا باعدارلاما جاسايدى. بۇل باعدارلاما ەمەس, جاقسى تٸلەكتەر عانا سيياقتى. 2020 جىلى تاعى بٸر باعدارلاما اشىلاتىن سيياقتى. ونىڭ جارناماسىن كٷشەيتەدٸ, 60 مىڭ توننا ەتتٸ ەكسپورتتاۋ جوسپارى سيياقتى. سەناتتا ونىڭ مٷمكٸن ەمەس ەكەنٸ ايتىلدى عوي. بۇل باعدارلامانى سونشا جارنامالاپ, ەلباسىنىڭ اۋزىنا سالىپ قويدىڭدار", - دەگەن بولاتىن قاسىم-جومارت توقاەۆ.
اسقار مىرزاحمەتوۆ جاڭا باعدارلامانىڭ قاتتى جارنامالانعانى تۋرالى سىنعا كەلٸسپەيتٸنٸن ايتتى. ونىڭ سٶزٸنشە, مينيسترلٸك ٶكٸلدەرٸ تەك ناقتى دەرەكتەرمەن سٶيلەيدٸ.
"الدىڭعى باعدارلامادا جوسپارلىق بولماعانىن ەسەپكە الساق, جاڭا باعدارلامادا بۇل ەسكەرٸلدٸ. ناقتى ينديكاتورلار كٶرسەتٸلگەن, سوندا ايتىلعاننىڭ بارلىعى - بۇل باعدارلامانىڭ ٸسكە اسىرىلعان تۇستارى. بۇل جارناما ەمەس, بٸز ناقتى نەتيجەلەردٸ ايتتىق. سوندىقتان ەزٸرگە تەك جارناما جٷرٸپ جاتىر دەگەن سىنمەن كەلٸسپەيمٸن. بۇل جارناما ەمەس - بۇل دەرەك", - دەيدٸ مينيستر جۋرناليستەرگە وتىرىستان تىس جەردە.
اسقار مىرزاحمەتوۆ مينيستر بولىپ 2016 جىلدىڭ 6 مامىرىندا تاعايىندالعان ەدٸ.
