Úkimet basshysynyń orynbasary, aýyl sharýashylǵy ministri Asqar Myrzahmetov QR Parlament Senatynyń tóraǵasy Qasym-Jomart Toqaevtyń synyna jaýap berdi, - dep habarlaidy "Ult aqparat" kaz.tengrinews.kz portalyna silteme jasap.
Munyń aldynda Qasym-Jomart Toqaev Asqar Myrzahmetovty aýyl sharýashylyǵyn damytý úshin belsendi sheshimder qabyldaýǵa shaqyrǵan bolatyn.
"Ár ministr kelip, jańa baǵdarlama jasaidy. Bul baǵdarlama emes, jaqsy tilekter ǵana siiaqty. 2020 jyly taǵy bir baǵdarlama ashylatyn siiaqty. Onyń jarnamasyn kúsheitedi, 60 myń tonna etti eksporttaý jospary siiaqty. Senatta onyń múmkin emes ekeni aityldy ǵoi. Bul baǵdarlamany sonsha jarnamalap, Elbasynyń aýzyna salyp qoidyńdar", - degen bolatyn Qasym-Jomart Toqaev.
Asqar Myrzahmetov jańa baǵdarlamanyń qatty jarnamalanǵany týraly synǵa kelispeitinin aitty. Onyń sózinshe, ministrlik ókilderi tek naqty derektermen sóileidi.
"Aldyńǵy baǵdarlamada josparlyq bolmaǵanyn esepke alsaq, jańa baǵdarlamada bul eskerildi. Naqty indikatorlar kórsetilgen, sonda aitylǵannyń barlyǵy - bul baǵdarlamanyń iske asyrylǵan tustary. Bul jarnama emes, biz naqty nátijelerdi aittyq. Sondyqtan ázirge tek jarnama júrip jatyr degen synmen kelispeimin. Bul jarnama emes - bul derek", - deidi ministr jýrnalisterge otyrystan tys jerde.
Asqar Myrzahmetov ministr bolyp 2016 jyldyń 6 mamyrynda taǵaiyndalǵan edi.
