ميانمادا تاعى بٸر دەموكراتيياشىل نارازىلىق اكتسيياسى ٶتٸپ, ونى كٷشپەن تاراتپاق بولعان ەسكەريلەردٸڭ قولىنان 80-نەن استام ادام قازا تاپتى, دەپ حابارلايدى ازاتتىق.
ازييانىڭ وڭتٷستٸك-شىعىسىنداعى ەلدە 1 اقپاننان بەرٸ جاپپاي نارازىلىق اكتسييالارى ٶتٸپ كەلەدٸ. سول كٷنٸ ەسكەريلەر بيلٸكتٸ باسىپ الىپ, ەلدٸڭ دە-فاكتو ليدەرٸ اۋن سان سۋ چجيدٸ قاماۋعا العان. بٸراق تٶڭكەرٸس حالىقتىڭ قارسىلىعىنا تاپ بولىپ, بٷكٸل ەلدە جاپپاي نارازىلىق شەرۋلەرٸ ٶتە باستادى. اكتسييا قاتىسۋشىلارى سۋ چجيدٸ بوساتۋدى, ەلدٸ باسقارۋدىڭ دەموكراتييالىق تەرتٸبٸن قايتارۋدى تالاپ ەتتٸ.
ەسكەريلەر ميتينگٸلەردٸ اياۋسىز جانشىپ, ادامدارعا وق جاۋدىرۋدان تايىنبادى.
قانعا تولى كەيٸنگٸ نارازىلىق 9 سەۋٸر كٷنٸ ەل استاناسى يانگوننىڭ جانىنداعى باگو قالاسىندا بولعان. بٸراق كٸسٸ ٶلٸمٸ تۋرالى بٸر كٷننەن كەيٸن بٸر-اق تارادى.
"ساياسي تۇتقىندارعا كٶمەك كٶرسەتۋ قاۋىمداستىعى" دەيتٸن جەرگٸلٸكتٸ ۇيىم باگودا قالاسىنداعى نارازىلىقتا ەسكەريلەر قولىنان 80-نەن استام ادامنىڭ قازا تاپقانىن حابارلادى.
ٶلٸم سانى بۇدان جوعارى بولۋى مٷمكٸن, ٶيتكەنٸ ەسكەريلەر مەيٸت تولى جٷك كٶلٸكتەرٸن جەرگٸلٸكتٸ پاگوداعا جٶنەلتتٸ دەگەن اقپار بار.
ساياسي تۇتقىندارعا كٶمەك كٶرسەتۋ قاۋىمداستىعىنىڭ مەلٸمەتٸنە قاراعاندا, 1 اقپانداعى ەسكەري تٶڭكەرٸستەن بەرٸ كەمٸ 701 ادام قازا تاپقان.
نارازىلىقتىڭ كٶبٸ بەيبٸت سيپاتتا ٶتٸپ جاتىر. بٸراق ەسكەريلەردٸڭ ميتينگشٸلەردٸ قىرىپ-سالۋىنان كەيٸن كەي شەرۋشٸلەر قولىنا قارۋ الا باستاعان.
قانتٶگٸس پەن تۇراقسىزدىق ميانماداعى جيىرما شاقتى قارۋلانعان ەتنوستارعا دا ىقپال ەتٸپ جاتىر. ەلدٸڭ شەكاراعا شاقىن اۋماقتارىندا ورنالاسقان بۇل توپتار ەسكەريلەرمەن ونداعان جىل شايقاسىپ كەلەدٸ. ولاردىڭ كەيبٸرٸ كەيٸنگٸ اپتالاردا ەسكەريلەر مەن پوليتسەيلەردٸ شابۋىلداپ جاتىر.
ٶتكەن ايدا بۇۇ-نىڭ ميانماداعى ٶكٸلٸ بۇۇ قاۋٸپسٸزدٸك كەڭەسٸنە بايانداما جاساپ, ميانمانىڭ قۇلدىراۋ الدىندا تۇرعانىن, ەسكەريلەردٸڭ بەيبٸت جيىنداردى جانشۋى كٷشەيگەن سايىن ازاماتتىق سوعىس قاۋپٸ ارتىپ بارا جاتقانىن ايتتى.
"حالىقارالىق داعدارىس توبى" دەيتٸن ٷكٸمەتتٸك ەمەس ۇيىمنىڭ ساراپشىسى ريچارد حورسي بۇۇ قاۋٸپسٸزدٸك كەڭەسٸن ەسكەريلەردٸڭ ەرەكەتٸ ەلدٸ باسقارۋعا كەلمەيتٸندەي ەتٸپ قۇلدىراتۋى مٷمكٸن دەپ ەسكەرتتٸ.
تٶڭكەرٸسكە دەيٸن ەسكەريلەر ەلدەگٸ شەشۋشٸ قىزمەتتەردٸ باقىلاۋدا ۇستاعان, بٸراق دە-فاكتو اۋن سان سۋ چجي مەن سونىڭ جاقتاستارىنىڭ قولىندا بولعان. بىلتىر قاراشادا ەلدە پارلامەنت سايلاۋى ٶتٸپ, سۋ چجيدٸڭ پارتيياسى ايقىن باسىمدىقپەن جەڭٸسكە جەتكەن. ەسكەريلەر سايلاۋ ەدٸلەتسٸز ٶتتٸ دەپ, كٷشكە جٷگٸندٸ.
