Mianmada taǵy bir demokratiiashyl narazylyq aktsiiasy ótip, ony kúshpen taratpaq bolǵan áskerilerdiń qolynan 80-nen astam adam qaza tapty, dep habarlaidy Azattyq.
Aziianyń ońtústik-shyǵysyndaǵy elde 1 aqpannan beri jappai narazylyq aktsiialary ótip keledi. Sol kúni áskeriler bilikti basyp alyp, eldiń de-fakto lideri Aýn San Sý Chjidi qamaýǵa alǵan. Biraq tóńkeris halyqtyń qarsylyǵyna tap bolyp, búkil elde jappai narazylyq sherýleri óte bastady. Aktsiia qatysýshylary Sý Chjidi bosatýdy, eldi basqarýdyń demokratiialyq tártibin qaitarýdy talap etti.
Áskeriler mitingilerdi aiaýsyz janshyp, adamdarǵa oq jaýdyrýdan taiynbady.
Qanǵa toly keiingi narazylyq 9 sáýir kúni el astanasy Iangonnyń janyndaǵy Bago qalasynda bolǵan. Biraq kisi ólimi týraly bir kúnnen keiin bir-aq tarady.
"Saiasi tutqyndarǵa kómek kórsetý qaýymdastyǵy" deitin jergilikti uiym Bagoda qalasyndaǵy narazylyqta áskeriler qolynan 80-nen astam adamnyń qaza tapqanyn habarlady.
Ólim sany budan joǵary bolýy múmkin, óitkeni áskeriler máiit toly júk kólikterin jergilikti pagodaǵa jóneltti degen aqpar bar.
Saiasi tutqyndarǵa kómek kórsetý qaýymdastyǵynyń málimetine qaraǵanda, 1 aqpandaǵy áskeri tóńkeristen beri kemi 701 adam qaza tapqan.
Narazylyqtyń kóbi beibit sipatta ótip jatyr. Biraq áskerilerdiń mitingshilerdi qyryp-salýynan keiin kei sherýshiler qolyna qarý ala bastaǵan.
Qantógis pen turaqsyzdyq Mianmadaǵy jiyrma shaqty qarýlanǵan etnostarǵa da yqpal etip jatyr. Eldiń shekaraǵa shaqyn aýmaqtarynda ornalasqan bul toptar áskerilermen ondaǵan jyl shaiqasyp keledi. Olardyń keibiri keiingi aptalarda áskeriler men politseilerdi shabýyldap jatyr.
Ótken aida BUU-nyń Mianmadaǵy ókili BUU Qaýipsizdik keńesine baiandama jasap, Mianmanyń quldyraý aldynda turǵanyn, áskerilerdiń beibit jiyndardy janshýy kúsheigen saiyn azamattyq soǵys qaýpi artyp bara jatqanyn aitty.
"Halyqaralyq daǵdarys toby" deitin úkimettik emes uiymnyń sarapshysy Richard Horsi BUU Qaýipsizdik keńesin áskerilerdiń áreketi eldi basqarýǵa kelmeitindei etip quldyratýy múmkin dep eskertti.
Tóńkeriske deiin áskeriler eldegi sheshýshi qyzmetterdi baqylaýda ustaǵan, biraq de-fakto Aýn San Sý Chji men sonyń jaqtastarynyń qolynda bolǵan. Byltyr qarashada elde parlament sailaýy ótip, Sý Chjidiń partiiasy aiqyn basymdyqpen jeńiske jetken. Áskeriler sailaý ádiletsiz ótti dep, kúshke júgindi.
