جامبىل وبلىسىنىڭ مامانداندىرىلعان قىلمىستىق ٸستەر بويىنشا سوتىندا "تۇرانەلەم بانكتٸڭ" باسشىسى ەرجان تەتٸشەۆتٸڭ قازاسى بويىنشا ٶتٸپ جاتقان سوتتا بيزنەسمەن مۇراتحان توقمەديگە ٷكٸم وقىلدى. سۋديا ازامات تٸلەپوۆ مۇراتحان توقمەديدٸ ەرجان تەتٸشەۆتٸ ٶلتٸردٸ دەپ ايىپتاپ, 10 جىل التى ايعا سوتتادى. Tengrinews.kz سايتىنىڭ حابارلاۋىنشا, سۋديا توقمەديگە جازاسىن قاتاڭ رەجيمدەگٸ كولونييادا ٶتەۋ تۋرالى ٷكٸم كەسكەن. سوت ٷكٸمٸنە 15 كٷن ٸشٸندە شاعىمدانۋعا بولادى.
بۇعان دەيٸن پروكۋرور توقمەديدٸ "كٸسٸ ٶلتٸرۋ" بابى بويىنشا ايىپتى دەپ تانىپ, 11,5 جىلعا سوتتاۋدى, بۇعان دەيٸن كەسٸلگەن جازانى قوسىپ, بارلىعى 12 جىل باس بوستاندىعىنان ايىرۋ جازاسىن كەسۋدٸ سۇراعان ەدٸ.
ال توقمەديدٸڭ ادۆوكاتى ونىڭ قىلمىستى "ٶز ٶمٸرٸ مەن جاقىن تۋىستارىنىڭ ٶمٸرٸ ٷشٸن قاۋٸپتەنگەننەن" جاساعانىن, "كٸنەسٸن مويىنداپ, تەرگەۋگە بولىسقانىن" ايتىپ, جازاسىن بارىنشا جەڭٸلدەتۋدٸ سۇراعان.
توقمەدي تاعىلعان ايىپتارمەن "كەلٸسەتٸنٸن", "كەمەلەتكە تولماعان بالالارى بارىن ەسكەرۋدٸ جەنە پروتسەسسۋالدىق كەلٸسٸم جاساسقانىن" ايتىپ, جەڭٸل جازا تاعايىنداۋدى ٶتٸنگەن.
ناۋرىزدىڭ 8-ٸ كٷنٸ كەشكە مۇراتحان توقمەديدٸڭ "جامبىل وبلىستىق اۋرۋحاناسىنان قاشىپ كەتكەنٸ" حابارلانعان ەدٸ. 9 ناۋرىز كٷنٸ ۇقك توقمەديدٸڭ ۇستالعانىن مەلٸمدەگەن.
تەرگەۋ بولجامى بويىنشا, توقمەديگە ادام ٶلتٸرۋگە تاپسىرىستى تەتٸشەۆ قازاعا ۇشىراعان سوڭ بٸرنەشە ايدان كەيٸن "تۇرانەلەم بانك" باسشىلىعىنا كەلگەن مۇحتار ەبليازوۆ بەرگەن دەلٸنەدٸ. 2009 جىلى بتا بانكتٸ (بۇرىنعى "تۇرانەلەم بانك") مەملەكەت قاراماعىنا العاننان كەيٸن شەتەلگە كەتٸپ قالعان وپپوزيتسييالىق تۇلعا, بۇرىنعى بانكير مۇحتار ەبليازوۆ بۇل ايىپتاۋلاردى "شىلعي ٶتٸرٸك" دەپ اتاپ جوققا شىعارادى جەنە ٶزٸن قازاقستان پرەزيدەنتٸ نۇرسۇلتان نازارباەۆ ساياسي سەبەپپەن قۋعىنداپ جاتىر دەپ سانايدى. ەبليازوۆ ٶزٸن "بانكتەن ميللياردتاعان دوللار ۇرلاعان" دەپ سىرتتاي 20 جىلعا سوتتاعانقازاقستان بيلٸگٸنٸڭ تاققان ايىبىن دا تەرٸسكە شىعارىپ, پرەزيدەنت نازارباەۆتى ٷنەمٸ سىناپ كەلەدٸ.
2017 جىلعى كٷزگە دەيٸن ەرجان تەتٸشەۆتٸڭ قازاسى سول كەزدە جٷرگٸزٸلگەن رەسمي تەرگەۋ قورىتىندىسى نەگٸزٸندە "اڭشىلىق كەزٸندەگٸ جازاتايىم وقيعا" دەپ سانالىپ كەلگەن. ال بىلتىر جازدا ەۋەلٸ تۇتقىندالىپ, كەيٸن بيزنەس-ەرٸپتەسٸنەن "اقشا بوپسالاعان" جەنە "زاڭسىز قارۋ ساقتاعان" دەگەن ايىپتار بويىنشا ٷش جىلعا سوتتالعان سوڭ تٷرمەدە وتىرعان توقمەديدٸڭ وسىدان 13 جىل بۇرىنعى "تاپسىرىسپەن ادام ٶلتٸرۋ" قىلمىسىن موينىنا العانى تۋرالى اقپارات تاراعان. رەسپۋبليكالىق تەلەارنا ەفيرٸنەن بەرٸلگەن فيلمدە توقمەدي تەتٸشەۆتٸڭ قازاسى "قاساقانا جاسالعان قىلمىس ەكەنٸن مويىندايتىنى" تۋرالى مەلٸمدەمە جاساعان. كەيٸن قازاقستان بيلٸگٸ "بايقاۋسىزدا ادام ٶلتٸرٸپ الۋ" تۋرالى ٸس بويىنشا شىعارىلعان ٷكٸمنٸڭ كٷشٸن جويىپ, جاڭادان تەرگەۋ باستاعان.
