رەسەي مەن ۋكراينا اراسىنداعى شيەلەنٸس قازاقستاننىڭ مۇناي ەكسپورتىنا قالاي ەسەر ەتەدٸ? قر پارلامەنت سەناتىندا ٶتكەن دٶڭگەلەك ٷستەلدەن كەيٸن باق ٶكٸلدەرٸ ەنەرگەتيكا مينيسترٸ بولات اقشولاقوۆقا وسىنداي سۇراق قويدى, دەپ حابارلايدى قازاقپارات.
«قازٸرگٸ تاڭدا بۇل مەسەلە انىق ەمەس. بٷگٸندە بٸزدٸڭ مۇنايدىڭ كٶبٸ كاسپيي قۇبىر كورتسورتسيۋمى ارقىلى ٶتەدٸ جەنە قىتايعا ەسپورتتاپ جاتىرمىز. ونىڭ بەرٸن ناقتى جاعدايلاردا قاراستىرۋ كەرەك. دەل قازٸر ايقىن ەسەر ەتٸپ جاتقان ەشتەڭە جوق», - دەدٸ مينيستر.
ونىڭ ايتۋىنشا, قازاقستاننان ەكسپورتتالاتىن مۇناي ەكٸ قۇبىر ارقىلى ٶتەدٸ.
«اتىراۋ-سامار دەلٸزٸ بويىنشا تازا رەسەيدٸڭ «ترانسنەفت» كومپانيياسى ارقىلى ٶتەتٸن ەكسپورت بار. ونىڭ كٶلەمٸ سونشا كٶپ ەمەس – 15 ملن توننا شاماسىندا. ەڭ كٶپ ەكسپورت كاسپيي قۇبىر كونتسورتسيۋمى ارقىلى ٶتەدٸ – 53-55 ملن توننا. بٷكٸل مۇنايدى باسقا باعىتتارعا اۋدارۋ دەگەن تەحنيكالىق جاعىنان قيىنداۋ», - دەدٸ بولات اقشولاقوۆ.
ۆەدومستۆو باسشىسى ەكٸ ەلدٸڭ اراسىنداعى جاعدايدىڭ ۋشىعۋىنا بايلانىستى قازاقستاندىق مۇناي ەكسپورتتاۋشىلاردىڭ نەگە باسقا باعىتتاردى پىسىقتاماعانى تۋرالى دا پٸكٸر بٸلدٸردٸ.
«نەگٸزگٸ مۇناي ەكسپورتى كاسپيي قۇبىرى ارقىلى ٶتەتٸندٸكتەن باعىتتى اۋىستىرۋ قيىن. ٶيتكەنٸ ول تەڭٸز جولى ەمەس, قۇبىر عوي. تەڭٸز ارقىلى كاۆكازعا, يرانعا جەتكٸزۋگە بولادى. بٸراق ونداعى كەمەلەردٸڭ قۋاتى شەكتەۋلٸ. سول سەبەپتٸ مۇنى جان-جاقتى قاراۋ كەرەك. قازٸرگٸ ۋاقىتتا ەشقانداي ەسەرٸ جوق. مۇناي تاسىمالى توقتاعان جوق», - دەدٸ ەنەرگەتيكا مينيسترٸ.
