قر سىرتقى ٸستەر مينيسترلٸگٸ مۇحتار تٸلەۋبەردٸ قازاقستاندىق ديپلوماتتاردى كەسٸبي مەرەكەسٸمەن قۇتتىقتادى, دەپ حابارلايدى "ۇلت اقپارات".
«قۇرمەتتٸ قازاقستاندىق ديپلوماتتار! قۇرمەتتٸ ارداگەرلەر! وسىدان 28 جىل بۇرىن 2 شٸلدەدە مەملەكەت باسشىسى تەۋەلسٸز قازاقستاننىڭ سىرتقى ساياسي ۆەدومستۆوسىن قۇرۋ تۋرالى جارلىققا قول قويعانى ٶزدەرٸڭٸزگە مەلٸم. سول كەزدەگٸ كٷردەلٸ جاعدايعا قاراماستان, مينيسترلٸكتٸڭ العاشقى قىزمەتكەرلەرٸنٸڭ جانقييارلىعى مەن كەسٸپقويلىعى ارقاسىندا ديپلوماتييالىق قىزمەتتٸڭ باستى نەگٸزدەرٸ, ٸرگەتاسى مەن جۇمىس قاعيداتتارى ٸس جٷزٸندە «تازا پاراقتان» قالىپتاستىرىلدى. جاڭا قۇرىلعان وتاندىق ديپلوماتييالىق قىزمەتتٸڭ كادرلىق, قارجىلىق مەسەلەلەرٸن شەشۋدە, بٸزدٸڭ شەت ەلدەردەگٸ العاشقى ٶكٸلدٸكتەردٸ اشۋ باعىتىندا قوماقتى جۇمىس اتقارىلدى. اعا بۋىن ٶكٸلدەرٸنٸڭ ٸس-ەرەكەتتەرٸ نەتيجەسٸندە «سىرتقى ٸستەر مينيسترلٸگٸنٸڭ رۋحى» قالىپتاستى. وسى ورايلى سەتتٸ پايدالانىپ ارداگەرلەرٸمٸزگە العىس, سالامىزدىڭ قالىپتاسۋىنا ۇيىتقى بولعان تۇلعالارعا شىنايى قۇرمەتٸمدٸ بٸلدٸرگٸم كەلەدٸ. مەملەكەتٸمٸزدٸڭ حالىقارالىق ارەناداعى بٷگٸنگٸ تابىستارى مەن جەڭٸستەرٸ بٸرٸنشٸ كەزەكتە سٸزدەردٸڭ ەڭبەكتەرٸڭٸز» دەپ اتاپ ٶتتٸ سىرتقى ٸستەر مينيسترٸ ٶز قۇتتىقتاۋىندا.
ونىڭ ايتۋىنشا, قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ جەنە پرەزيدەنتٸمٸز قاسىم-جومارت توقاەۆتىڭ جەتەكشٸلٸگٸمەن ەلٸمٸزدٸڭ سىرتقى ساياساتى پراگماتيزم جەنە كونسترۋكتيۆيزم قاعيداتتارى, تيٸمدٸ ىنتىماقتاستىق پەن قارىم-قاتىناستار نەگٸزٸندە دامىپ كەلە جاتىر.
«بٷگٸندە بٸز ەلەمنٸڭ 182 مەملەكەتٸمەن ديپلوماتييالىق قارىم-قاتىناس ورناتتىق, ەلٸمٸزدٸڭ ماڭىزدى حالىقارالىق ۇيىمدارعا كٸرۋٸن قامتاماسىز ەتتٸك. قازاقستاننىڭ ەلەمنٸڭ 103 ەلدٸ قامتيتىن, 98 شەت ەلدەردەگٸ مەكەمەسٸ بار. بٸز كٶپجاقتى جەنە ەكٸجاقتى ىنتىماقتاستىقتىڭ 3700 استام حالىقارالىق قۇجاتتان تۇراتىن قوماقتى شارتتىق-قۇقىقتىق بازاسىن جاسادىق, ول ۇلتتىق مٷددەلەر مەن ٶزەكتٸ حالىقارالىق مەسەلەلەردٸڭ بارلىعىن قامتيدى. قازاقستاننىڭ مەملەكەتتٸك شەكاراسىن دەليميتاتسييالاۋ تۋرالى حالىقارالىق شارتتارعا قول قويىلۋى جەنە ولاردىڭ كٷشٸنە ەنۋٸ قازاقستاندىق ديپلوماتييانىڭ ماڭىزدى جەتٸستٸكتەرٸنٸڭ بٸرٸ بولىپ تابىلادى. بٷگٸن بٸزدٸڭ سىرتقى شەكارامىز – تاتۋ كٶرشٸلٸك پەن ىنتىماقتاستىق شەگٸ رەتٸندە قاراستىرىلادى. تەۋەلسٸزدٸگٸنٸڭ العاشقى جىلدارىندا «قاۋٸپسٸزدٸكتٸ تۇتىنۋشى» جەنە ەلەمدٸك ساياساتقا جاڭادان ارالاسا باستاعان قازاقستان بٷگٸندە «تۇراقتىلىق گەنەراتورىنا» جەنە كەيبٸر جانجالداردى رەتتەۋگە بەلسەندٸ تٷردە اتسالىسقان مەدياتورعا اينالدى» دەيدٸ مۇحتار تٸلەۋبەردٸ.
مينيستردٸڭ سٶزٸنە سەنسەك, حالىقارالىق ارەناداعى ايتارلىقتاي جەتٸستٸكتەرٸمٸزگە قاراماستان, بٸز قول جەتكٸزگەن تابىستارىمىزبەن توقتالىپ قالا المايمىز, الدا بٸزدٸ اۋقىمدى جاڭا جۇمىستار كٷتٸپ تۇر. ەلەمدە ەسكٸ قۇبىلىستار ترانسفورماتسييالانۋدا, كٶپتەگەن وڭ نەمەسە تەرٸس سيپاتتاعى كٷردەلٸ جاڭا پروتسەستەر ٶرٸس الۋدا.
مۇحتار تٸلەۋبەردٸ اتاپ كٶرسەتكەندەي, بٸزدٸڭ مٸندەتٸمٸز - سىن-تەگەۋرٸندەرگە لايىقتى جەنە نەتيجەلٸ دەن قويىپ, جاڭادان اشىلعان مٷمكٸندٸكتەردٸ تولىعىمەن ەرٸ تيٸمدٸ پايدالانۋ.
«بۇل ماقساتتا بٸزدٸڭ ديپلوماتتاردىڭ قازٸرگٸ بۋىنىنان جۇمىستا كرەاتيۆتٸ ەدٸستەردٸ قولدانۋىن, تولىقتاي كٷش-جٸگەرٸن جۇمساۋىن ەرٸ ٶزٸنٸڭ كەسٸبي دەڭگەيٸن ٷنەمٸ جاقسارتۋىن كٷتەمٸز. بۇل سىرتقى ساياسي ۆەدومستۆونىڭ جاڭا ساپالى دەڭگەيگە ٶتۋٸنە ىقپال ەتەدٸ. سونىمەن قاتار, وسى جىل ەلەمدٸ دٷرلٸكتٸرگەن جەنە تىنىسىن تارىلتقان, حالىقارالىق قارىم-قاتىناستارعا كەدەرگٸ كەلتٸرگەن قاتەرلٸ دەرت - كوروناۆيرۋس ٸندەتٸمەن كٷرەسۋ جىلى بولىپ وتىر. ەلەمدە پاندەمييا جارييالانعاننان كەيٸن مينيسترلٸگٸمٸز بەن ديپلوماتييالىق ٶكٸلدٸكتەرٸمٸز قازاقستان ازاماتتارىنىڭ ەلگە ورالۋىنا بار كٷش-جٸگەرٸن سالىپ, شەت مەملەكەتتەردٸڭ مەديتسينالىق كٶمەگٸ مەن جابدىقتارىن الۋعا اتسالىستى. بۇل ورايدا, ەلٸمٸزدەگٸ تٶتەنشە جاعداي مەن كارانتين كەزەڭٸ ٷشٸن ارنايى قۇرىلعان سٸم شتابىنىڭ, كونسۋلداردىڭ جەنە بەلسەندٸلٸك كٶرسەتكەن باسقا دا ەرٸپتەستەرٸمٸزدٸڭ جۇمىسىن ەرەكشە اتاپ ٶتكٸم كەلەدٸ. بٸزدٸڭ الدىمىزدا اسار بەلەستەر مەن باعىندىرار شىڭدار ەلٸ دە بارشىلىق. ولارعا قول جەتكٸزۋ ٷشٸن بەرٸمٸزدٸ جۇمىلعان جۇدىرىقتاي بٸرتۇتاس مەحانيزم بولىپ جۇمىستى جالعاستىرۋعا شاقىرامىن! سىرتقى ساياسات سالاسىنداعى قاجىرلى ەڭبەكتەرٸڭٸز ٷشٸن شىنايى العىسىمدى بٸلدٸرە وتىرىپ, سٸزدەردٸڭ بارشاڭىزدى بٷگٸنگٸ مەرەكەمەن شىن جٷرەكتەن قۇتتىقتايمىن. ەگەمەندٸ ەلٸمٸزدٸڭ يگٸلٸگٸ ٷشٸن اتقارىپ جاتقان قىزمەتتەرٸڭٸز جەمٸستٸ بولسىن. ەلٸمٸزگە تىنىشتىق, جەرٸمٸزگە بەرەكە, وتباسىلارىڭىزعا باقىت جەنە زور دەنساۋلىق تٸلەيمٸن « دەپ تٷيٸندەدٸ سٶزٸن مۇحتار تٸلەۋبەردٸ.
